Mavzu: Mass-spektrometrik analiz usullari. Reja: kirish i– asosiy qism 1 Mass-spektrometrik metodining mohiyati

Ko‘p atomli molekulalarning tebranishi. Spektrometrlarning tuzilishi.
Ko‘p atomli molekulalarning tebranishi ikki atomlikka nisbatan murakkab bo‘lib, spektrda birqancha yutilish chastotalarini namoyon qiladi. Molekula atomlardan tashkil topgani uchun, har qanday erkin zarracha bo‘shliqda uch o‘lchovli bo‘lishi uchun uning erkin tebranish darajasi 3N qiymatda bo‘ladi. Agar molekula chizqli tuzilishga ega bo‘lsa, tebranishlar soni 3N-6 ga, xalqali ko‘rinishda bo‘lsa 3N-5 ga teng bo‘ladi.
Ko‘p atomli molekulaning tebranish xarakati uni tashkil etgan atomlarning nisbiy xarakati bilan bog‘liqdir, ya'ni bu xarakatlar yaxlit molekulaning bo‘shliqdagi siljishlari va yaxlit holda aylanishi sifatida kuzatilmaydi.
Molekuladagi ayrim atomlarning xarakati bir-biri bilan chambarchas bog‘langandir. Bunda atomlarni bog‘lab turgan kimyoviy bog‘larning uzunl igi va bog‘lar orasidagi burchak qiymatlarining o‘zgarishini asosiy ko‘rsatkich sifatida olish kerak.
Shuning uchun har qanday maxsus funksional guruxlarda bu, ko‘rsatkichlarning turlicha bo‘lishi natijasida hamda tebranish chastotasining qiymatlari bilan kimyoviy bog‘ orqali bog‘langan atomlarning massalari o‘rtasidaga ma'lum qonuniyat bo‘lganligi uchun infraqizil spektrida shu guruxlar uchun ularga tegishli bo‘lgan yutilsh chastotalari mavjuddir (masalan, -CH₃, -CH₂, - NH₂, -OH va boshqalar).
Qo‘shbog‘ tutgan guruxlar >C=C<, -C≡C-, >C=O va boshqalar o‘ziga xos chastotalarga ega bo‘lib, bu chastotalar tebranishda qo‘shbog‘larning uzayishi natijasida hosil bo‘ladi.
Molekulaga qandaydir o‘rinbosarning kiritilishi yoki molekulaning geometrik tuzlishiga ta'sir etadigan qandaydir o‘rin almashtirishlar maxsus chastotalar qiymatining o‘zgarishiga sababchi bo‘ladi.
Molekulyar spektroskopiyada molekulaning normal tebranishi natijasida kimyoviy bog‘larning uzunligi o‘zgarib, bu bog‘lar orasidagi burchak kam o‘zgarsa, bunday tebranish turlariga valent tebranishlar deb aytiladi va ν (nyu) harfi bilan belgilanadi.
Agar normal tebranish natijasida valent bog‘lar orasidagi burchak o‘zgarib, bu bog‘lar uzunligi o‘zgarmasa, bunday tebranish turlari deformatsiyali tebranish bo‘lib uni δ(delta) harfi bilan belgilanadi. Valent tebranishlar simmetrik ( ν_s) va assimmetrik (ν_as) turlariga bo‘linib, birinchi tebranish natijasida kimyoviy bog‘lar uzunligi uzayadi, ikkinchisida esa qisqarish holati kuzatiladi.
Rentgen – tuzilish analizinnng qiyinchiliklaridan biri o‘rganilishi kerak bo‘ladigan moddalarning albatta monokristallini olish, ammo bu jarayon hamma vaqt ham ijobiy xal etilmaydi. Bundan tashqari olingan ma'lumotlar faqat kristallik xolatga tegishli, ma'lumki, ko‘pgina moddalar eritma holida bo‘lganda o‘z tuzilishini o‘zgartirishi mumkin. Shuning uchun ham, faqat bu usulda olingan ma'lumotlar ayrim hollarda yetarli bo‘lmasligi mumkin.
Rentgen tuzilishi analizidan tashqari elektronografiya va neytronografiya usullari ham difraksiyali usullarga kiradi. Bular birgalikda molekulaning fazoviy tuzilishini, ya'ni molekulada atomlarning o‘zaro joylashishi, bog‘lar orasidagi burchaklar va assimmetrik markazga ega bo‘lgan molekulaning xaqiqiy konfiguratsiyasi to‘grisida va atomlar orasidagi masofa haqida to‘liq va aniq ma'lumotlar beradi.
Hozirgi vaqtda difraksiyaga asoslangan asboblar kompyuterlar bilan jihozlangan bo‘lib, butun kerakli hisob ishlari elektron hissoblash mashinalari (EHM) yordamida ishlab chiqilib molekulaning tuzilishi bilan bog‘liq bo‘lgan ko‘rsatkichlar aniqlanadi.