Mavzu: O‘zbekiston Respublikasi Pzezidentining hamda Vazirlar Mahkamasining ta’lim tizimiga tegishli dolzarb farmon va qarorlar tahlili Reja

Beshinchidan, biz amalga oshirayotgan iqtisodiy islohotlar va ijtimoiy o’zgarishlarning samarasi, birinchi navbatda, aholining moddiy ahvoli va farovonligini, uning hayot darajasi va sifatini oshirishga qay darajada ta’sir ko’rsatayotgani bilan o’lchanadi. Shu maqsadda ish haqi, pensiya, nafaqa va stipendiyalar miqdorini bosqichma-bosqich oshirib borish bo’yicha aniq chora- tadbirlarni rejalashtirilgan va ular albatta amalga oshiriladi.
Oltinchidan, aholi bilan doimiy muloqot qilish, uning qonuniy talablari, so’rov va takliflarini amalga oshirish uchun aniq choralar ko’rish ustuvor vazifa deb e’lon qilindi. Endi nafaqat hukumat, balki mutasaddi vazirlik va idoralar, xo’jalik birlashmalari, shuningdek, hokimlarning ham bu boradagi faoliyati yakunlari bo’yicha hisobot berish tizimi joriy etiladi va shunga qarab ularning ishiga baho beriladi.
Jamiyatning ijtimoiy-iqtisodiy rivojining strategik yo’nalishlari sifatida quyidagi vazifalar belgilab olindi:
Birinchidan, iqtisodiyotimizda yuqori o’sish sur’atlarini saklab qolish, makroiqtisodiy barqarorlik va milliy valyutamizni yanada mustahkamlashni ta’minlash.
Ikkinchidan, mamlakatimiz hududlarini, ya’ni shahar, tuman va mahallalarni, ayniqsa iqtisodiy va ijtimoiy rivojlanishda nisbatan orqada qolayotgan tuman va shaharlarni kompleks va jadal rivojlantirish.
Uchinchidan, aholining real daromadlarini, turmush darajasi va sifatini oshirishga alohida e’tibor qaratish. Hukumat va shaxsan uning yangi rahbariyati faoliyati samarasini biz aynan shu mezonlar asosida baholashimiz zarur. Shu maqsadda yaqin kunlarda Vazirlar Mahkamasining ijro etuvchi tuzilmasi qayta ko’rib chiqiladi va tasdiqlanadi. Bunday o’zgartirishlardan asosiy maqsad - to’plangan tajriba asosida va mamlakatimizni ijtimoiy-iqtisodiy rivojlantirish bo’yicha oldimizda turgan keng ko’lamli yangi vazifalarga muvofiq, davlat va xo’jalik boshqaruvi organlarining eng optimal va samarali tizimini ishlab chiqishdan iborat.
2020-yil 29-yanvarda O’zbekiston Respublikasi Prezidenti Sh.M.Mirziyoev Oliy Majlisga Murojaatnoma qildi. Joriy yilda “Ilm, ma’rifat va raqamli iqtisodiyotni rivojlantirish” Davlat dasturiga muvofiq yangi O’zbekistonni barpo etish bo’yicha barcha sohalarda islohotlarni qat’iy davom ettirdik.
Xalqaro valyuta jamg’armasi va xalqaro reyting agentliklari tahlillariga ko’ra, bu yilgi sinovlarga qaramasdan, O’zbekiston dunyoning sanoqli davlatlari qatorida ijobiy o’sish sur’atlarini saqlab qoldi. 
Evropa Ittifoqi tuzilmalari bilan yaqin hamkorlikda mamlakatimizga kengaytirilgan savdo preferensiyalari – “GSPQ” tizimini tatbiq etish bo’yicha, muhim qadamlar tashlandi. Ushbu tizim kelgusida respublikamizda ishlab chiqariladigan 6 mingdan ziyod turdagi mahsulotlarni Evropa bozoriga boj to’lamasdan olib kirish imkonini beradi. Bu, o’z navbatida, birgina to’qimachilik mahsulotlarining yillik eksportini 300 million dollarga oshirish uchun sharoit yaratadi.
Joriy yilda mamlakatimizning xalqaro moliya bozorlariga chiqish imkoniyatlari yanada yaxshilandi, ilk bor milliy valyutada 2 trillion so’mlik davlat evroobligatsiyalari past foizlarda joylashtirildi. 
Bu yil respublikamizda 197 ta yirik, minglab kichik va o’rta korxonalar hamda infratuzilma ob’ektlari barpo etildi. Jumladan, “Navoiyazot”da ammiak va karbamid ishlab chiqarish kompleksi hamda azot kislotasi zavodi, Muborak, Gazli va Sho’rtan neft-gaz korxonalarida suyultirilgan gaz ishlab chiqarish qurilmalari, Toshkent metallurgiya zavodi kabi yirik quvvatlar ishga tushirildi.
Birgina energetika sohasida xorijiy investorlar bilan davlat-xususiy sheriklik asosida 6 ta yangi elektr stansiyasini barpo etish ishlari boshlandi. Ularning umumiy qiymati 2 milliard dollar bo’lib, 2 ming 700 megavatt quvvatga ega. 
Toshkent shahrida 2 ta yangi metro stansiyasi va ilk bor 18 kilometrlik er usti metrosi foydalanishga topshirildi. 
Qishloq xo’jaligidagi islohotlar, er maydonlari to’liq xususiy klaster va kooperatsiyalarga berilgani paxtachilikda hosildorlikni bir yilda o’rtacha 10 foizga oshirish imkonini yaratdi. 
Meva-sabzavotchilik, g’allachilik va chorvachilikda ham 500 ga yaqin klaster va kooperatsiyalar faoliyati yo’lga qo’yildi. Buning natijasida, pandemiyaning salbiy ta’siriga qaramasdan, 1 milliard dollarlik meva-sabzavot eksport qilindi.
Bu yil 91 ming gektar er maydoni qaytadan foydalanishga kiritildi. 133 ming gektar yoki o’tgan yilga nisbatan 2 barobar ko’p maydonda suvni tejaydigan texnologiyalar joriy etildi. 
Tadbirkorlikni keng qo’llab-quvvatlash bo’yicha ko’plab imtiyoz va engilliklar berildi. Tadbirkorlik sub’ektlariga 100 trillion so’m yoki 2016 yilga nisbatan qariyb 4 barobar ko’p kreditlar ajratildi. 

2.