Mavzu: tuxum oqsilidan albuminni kristal holda ajratish

LABORATORIYA MASHG'ULOT-2


MAVZU: TUXUM OQSILIDAN ALBUMINNI KRISTAL HOLDA AJRATISH.


Laboratoriya ishining maqsadi: tuxum oqsilidan albuminni kristal holda olish texnologiyasini o’rganish.
Mavzuning ahamiyati: tuxum oqsili protеolitik fеrmеntlar, ularning xossalari va farmatsiyadagi o’rni haqidagi bilimlarni oshirish.


Tuxum oqsilidan albuminni kristall holda ajratish


Asboblar, reaktivlar: 50 va 100 ml li o’lchamli silindrlar, shisha voronkalar, shisha tayoqchalar, vakuum ostida filtrlash uchun Byuxner voronkali kolba (Bunzen kolbasi), 50 ml tumshuqli shisha stakan, qog’oz filtrlar, universal indikator qog’ozi, 2 ta yangi tuxum, ammoniy sulfat (to’yingan), Sulfat ammoniy (kukuni), 5 % li sirka kislota.
Ishning borishi: 2 ta yangi tuxumni oqidan sarig’i ajratib olinadi va 100 ml li og’zi bekiladigan o’lchamli silindrga solinadi. Ustiga oldindan tayyorlab qo’yilgan sulfat ammoniyning to’yingan (378,5 g tuz 1l suvda eritib, suv hammomida qaynatish bilan tayyorlangan) eritmasidan teng hajmda solinadi, og’zi berkitiladi va yaxshilab chayqatiladi.
Sulfat ammoniy bilan chala to’yintirilgan holatda avval globulinlar cho’kmaga tushadi.Cho’kmani taxlangan filtr qog’ozi bilan boshqa o’lchamli sildrga filtrlanadi. Tiniq filtrat ustiga ammoniy sulfatning maydalangan kukunidan 100 ml eritmaga 13,5 g tuz hisobi bo’yicha solinadi va shisha tayoqcha yordamida kristallar to’liq erib ketguncha uzoq vaqt aralashtiriladi. Bundan keyin ammoniy sulfatning 70 % li eritmasi hosil bo’ladi va albuminlar cho’kmaga tushadi. Hosil bo’lgan cho’kma Byuxner voronkasida filtrlanadi. Cho’kma ehtiyotlik bilan filtrdan ajratib olinadi, 50 ml li kimyoviy stakanga solinadi va eng kam miqdorda suvda eritiladi. Hosil bo’lgan eritmaga 4 % li sirka kislatasi eritmasidan aralashtirilib turilgan holda eritmani pH ni universal indikator qog’ozi bilan tekshirib turib, tomchilab solinadi. pH ning ko’rsatkichi 4,7-4,8 ga yetganda eritmaga ozginadan sulfat ammoniyning to’yingan eritmasidan aralashtirib turgan holda solinadi. Bu jarayon yo’qolmaydigan loyqa hosil bo’lguncha davom ettiriladi. Stakan toza shisha bilan yopiladi va sovutgichga qo’yiladi. Bir sutkadan keyin tuxum albuminni ninasimon kristallar holda cho’kmaga tushadi.



1-rasm Bunzen kolbasi 2-rasm Byuxner voronkali Bunzen kolbasi