Ko'ngilli bo'lib ishlashda, ko'pincha, boshqa ko'plab ko'ngillilardan tashkil topgan jamoalar ichida bo'linadi. Buning ustiga faoliyat boshqa ko'plab odamlar bilan muloqot qilishni ham o'z ichiga oladi. Ko'p hollarda ko'ngillilar jamoalarini san'at, hukumat va din vakillari qo'llab turishadi. Bular esa o'z navbatida volontyorlik bilan shug'ullanayotgan odamga ko'plab tanishlar va do'stlar orttirish imkonini beradi. Eng yaxshi taraflardan biri bu do'stlar turli xil soha, faoliyat, millat vakillari hattoki, boshqa yurt fuqarolari ham bo'lishi mumkin. Natijada, uzoq yillik ko'ngillilarning, deyarli har bir sohada tanish va do'stlari bo'ladi.
Yuqorida aytib o'tganimizdek, volontyorlik bilan shug'ullanuvchi odamga faqatgina o'z sohasida ishlash cheklovi qo'yilmaydi. Bu esa unga boshqa sohalarda o'zini sinab ko'rishi va o'zidagi yangi qirralar va qiziqishlarni ochish imkonini beradi. Misol uchun texnik sohada o'quvchi talaba o'zini bolalarga dars o'tishda yoki meditsina talabasi hayvonlarga yordam berish dasturlarida sinab ko'rish orqali o'zlari uchun bu sohalarni kashf qilishi va keyinchalik, hattoki, shu sohaning o'z karyeralarining bir qismiga aylantirish holatlari ham uchrab turadi.
O‘zbekiston Respublikasining Qonuni, 02.12.2019 yildagi O‘RQ-585-son VOLONTYORLIK FAOLIYATI TO‘G‘RISIDA
O‘zbekiston Respublikasi Vazirlar Mahkamasining qarori, 11.04.2022 yildagi 169-son VOLONTYORLIK FAOLIYATINI YANADA QO‘LLAB-QUVVATLASH CHORA-TADBIRLARI TO‘G‘RISIDA
