Bozor munosabatlari sharoitida bu ko‘rsatkich qanday darajada bo‘lishi muhim ahamiyat kasb etadi. Mahsulotlarni sotish ishlab chiqarish va xaridor o‘rtasidagi bog‘lovchi bo‘g‘in hisoblanadi.
Chunki, ishlab chiqarish jarayonining yakuniy bosqichi bu sotish jarayoni bo‘lib, ishlab chiqarilgan mahsulotlarning sotilishi korxonaning ijobiy moliyaviy natijaga erishishi, aylanma mablag‘larining uzluksiz hamda samarali aylanishi, budjet oldidagi majburiyatlarini, mehnat haqi bo‘yicha to‘lovlarni, kredit va qarzlarni hamda mol yetkazib beruvchilar bilan o‘z vaqtida hisoblashishlarini ta’minlash imkonini beradi.
Shuningdek, mahsulot xaridorlarga qay darajada sotilayotganligi, bozorda unga bo‘lgan talab qanday ekanligiga qarab mahsulotni ishlab chiqarish hajmi ham belgilanadi.
Ishlab chiqarish hajmining tahlili mahsulotni ishlab chiqarish va sotish dinamikasini o‘rganish, bazisli va zanjirli o‘sish sur’atlari va qo‘shimcha sur’atlarini hisob-kitob qilishdan boshlanadi (1-jadval).
1-jadval
“NAMUNAˮ mas’uliyati cheklangan jamiyatda mahsulot ishlab chiqarish va sotish dinamikasi tahlili(taqqoslanuvchi narxlarda)
