Maxsus fanlar” kafedrasi

Uch o‘lchovli fazo — moddiy olamning geometrik modelidir. Bu fazo uch o‘lchovli deyiladi, chunki u uchta bir jinsli o‘lchamga - uzunlik, kenglik, balandlikka ega va uch o‘lchovli fazo uchta ortoganal birlik vektorlar bilan ifodalanadi.
Fazoning uch o‘lchami

Uch o‘lchovli koordinatalar sistemasi

Kompyuter grafikasi masalalari uchun bir jinsli koordinatalar usuli keng tarqalgan. Uning asosida n - o‘lchovli fazodagi ixtiyoriy nuqtani n+1 o‘lchamli fazodagi nuqtaning proeksiyasi sifatida qarash yotadi. Xususan uch o‘lchovli fazoda nuqta to‘rtta tashkil etuvchidan hx, hy, hz, h iborat bo‘ladi. Bu yerda h ixtiyoriy son bo‘lishi mumkin, amaliyotda esa 1 qabul qilinadi va normal koordinatalar sistemasini tashkil qiladi (x, y, z, 1)

Primitivlar ob’ekt koordinatalar sistemasida yoki primitiv koordinatalar sistemasida ifodalanadi. Ularni grafik tizimda kuzatuvchi koordinatalar sistemasiga o‘tkazish fazoda ob’ekt evolyusiyasini hisobga oluvchi xususiy affin almashtirishlari superpozitsiyasi asosida amalga oshiriladi. Fazoda asosiy affin almashtirishlariga masshtablashtirish, ko‘chish, burish (bulardan tashqari akslantirish yoki simmetriya) kabilar kiradi. Bulardan tashqari qirqib olish amalidan oldin va undan keyin primitivlarni kartina tekisligiga markaziy proeksiyalash bajariladi. Fazoda asosiy affin almashtirishlariga masshtablashtirish, ko‘chish, burish (bulardan tashqari akslantirish yoki simmetriya) kabilar kiradi. Bulardan tashqari qirqib olish amalidan oldin va undan keyin primitivlarni kartina tekisligiga markaziy proeksiyalash bajariladi. Bu amal affin almashtirishiga kirmaydi, biroq almashtirilarga o‘xshash ifodalanganligi sababli ular bilan birga ko‘riladi.
Kompyuter grafikasida murakkab burilishlar burilishning xususiy hollari: koordinata o‘qlari atrofidagi burilishlarning qo‘shilishi ko‘rinishida ifodalanadi. Bu almashtirishlarni ifodalovchi matritsaning ko‘rinishi kuzatuvchi fazosida koordinatalar boshi va kuzatish nuqtasining joylashishiga bog‘liq bo‘ladi. O‘ng koordinatalar sistemasida birinchi chorakdan qaralganda x o‘qining y o‘qi atrofida, u o‘qining z o‘qi atrofida, z o‘qining x o‘qi atrofida burilishi soat strelkasi harakati yo‘nalishiga qarama-qarshi bo‘ladi. Chap koordinatalar sistemasida esa bu buralishlar soat strelkasi harakati yo‘nalishida bo‘ladi.
Umumiy holda natijaviy almashtirish matritsasi M keltirilgan matritsalarning ko‘paytmasidan (superpozitsiyasidan) aniqlanadi. Superpozitsiyaga matritsalarni kiritish ifodalanayotgan almashtirishlar ketma-ketligiga mos holda chapdan o‘ngga qarab amalga oshiriladi.
Maxsus effektlar
Animatsion effekt yaratuvchilardan vaqt, sabr, kuzatuvchanlik, va yaxshigina estetik did talab qilinadi. Raqamli effektlar bilan shug‘ullanadiganlardan texnik tajriba va chuqur matematik bilim, xususan kompyuter grafikasining matematik asoslarini bilish talab qilinadi. Matematik bilimlar - muvaffaqiyatli ishning zaruriy shartidir. Tabiat xodisalari va tabiiy ofatlar effektlari, masalan: suv, yog‘ingarchilik (qor, yomg‘ir), tornadolar, dovullar, shamol, tuman, yong‘inlar, turli ko‘rinishdagi portlashlar, vulqonlar otilishi, zilzilalar va boshqalar. Aslida mavjud bo‘lmagan personajlarni yaratish (ajdarlar, dinozarvlarni, o‘zga sayyoraliklarni, sexrli mavjudotlarni, ruhlar, jin, alvastilar va boshqalar). Kompyuter yordamida peyzajlar va dekoratsiyalar yaratish (dekoratsiya qismlari, boshqa planetalar sirti va peyzajlari, koinot kengliklari, turli o‘ylab topilgan landshaftlar).