Investitsiyalarning takror ishlab chiqarish tarkibi – kapital qo‘yilmalarning asosiy ishlab chiqarish fondlarini takror ishlab chiqarish shakllari bo‘yicha taqsimlanishi va ular o‘rtasidagi nisbat. Ushbu tarkib kapital qo‘yilmalarning qancha qismi yangi qurilish, amaldagi ishlab chiqarishni ta’mirlash va texnik qayta qurollantirish, ishlab chiqarishni kengaytirish, modernizatsiyalashga yo‘naltirilganligini ifoda etadi.
Investitsiyalarning tarmoq tarkibi– kapital qo‘yilmalarning iqtisodiyot tarmoqlari bo‘yicha taqsimlanishi.
Investitsiyalarning hududiy tarkibi – kapital qo‘yilmalarning mamlakat hududlari bo‘yicha taqsimlanishi va ular o‘rtasidagi nisbat.
Xorijiy investitsiyali korxonalar– aksiyalari (ulushlari, paylarining) yoki ustav jamg‘armasining kamida o‘ttiz foizini xorijiy investitsiyalar tashkil etadigan korxonalar.
Takrorlash uchun savollar va topshiriqlar O‘zbekiston Respubilkasini yanada rivojlantirish bo‘yicha Harkatlar strategiyasi to‘g‘risida nimalarni bilasiz?
Mustaqillik yillarida O‘zbekiston iqtisodiyotining tarkibida qanday o‘zgarishlar sodir bo‘ldi?
O‘zbekiston iqtisodiyotining jahon xo‘jaligidagi o‘rniga baho bering.
O‘zbekistonda iqtisodiyotini modernizatsiyalash va tarkibiy o‘zgartirishlarning ustuvor yo‘nalishlari nimalardan iborat?
O‘zbekistonning jahon iqtisodiyotiga integratsiyalashish istiqbollariga baho bering.
O‘zbekiston tashqi savdosi tarkibida qanday o‘zgarishlar sodir bo‘ldi va uni diversifikatsiyalash yo‘nalishlarini tushuntirib bering.
Mustaqillik yillarida amalga oshirilgan investitsiya siyosati mazmuni va uni joriy etish dastaklari nimalardan iborat?
O‘zbekiston iqtisodiyotini modernizatsiyalashda va tarkibiy o‘zgarishlarni amalga oshirishda to‘g‘ridan-to‘g‘ri xorijiy investitsiyalar qanday o‘rin tutadi?