Mádeniyat ekonomikası páninen Ózbetinshe jumɪsı Tema: Múlkshilik qatnasıqları hám social taraw

Mámleketlik menshik - bul baylıqlardı óz wazıypaların orınlaw ushın mámleket tárepinen ózlestiriliwi. Menshiktiń bul forması mámleket payda bolǵannan baslap júzege kelgen, biraqta onıń maqsetleri ózgerip turadı. Mámleketlik menshik tómendegi jaǵdaylarǵa baylanıslı payda boladı hám rawajlanıp baradı

1. 
   Menshikti milliylestiriw yaki jeke menshikti mámleket menshigine aylandırıw
   
2. 
   Mámleketlik qarjı esabınan mákemelar qurıw
   
3. 
   Jámiyette dóretilgen, biraqta basqa menshiklerge tiyisli dáramatlardıń bir bóleginiń salıq óndiriw arqalı mámleketlik byudjetke alınıwı.
   

Mámleketlik menshik obektleri hár bir mámlekettiń ishki dúzilisine hám sol mámlekette qabıl etilgen nızamlarǵa baylanisli ózgesheliklerge iye.
Ózbekstanda Puxaralıq kodekske muwapıq mámleketlik menshiktiń tiykarǵı eki túri háreket etedi: Respublika menshigi (ulıwma mámleketlik menshik) hám administrativlik-territoriyalıq dúzimlerdiń menshigi (municipial menshik). Respublika menshigine: jer, suw, jer astı baylıqları, hawa boslıǵı, ósimlikler hám haywanatlar dúńyası, tábiyiy resurslar, respublika hákimiyatı hám basqarıw dúzimleriniń mal-múlki, mámleketke qaraslı mádeniy hám tariyxıy baylıqlar, byudjet qarjıları, valyuta fondı hám basqada mámleketlik fondlar kiredi.
Municipial menshikke bolsa mámleket hákimiyatı jergilikli shólkemlerdiń mal - múlki, jergilikli byudjet qarjıları, municipial úy-jay fondı hám kommunallıq xojalıq mákemeları, xalıq tálimi, mádeniyat, den sawlıqtı saqlaw orınları sıyaqlı shólkemlerdiń mal-múlki kiredi.
Jeke menshik - bul ayrım adamlarǵa tiyisli hám dáramat tabıwǵa qaratılǵan menshik forması. Onıń eki kórinisi bar individual hám koperativ jeke menshik.
Individual jeke menshikte baylıqtı ózlestiriw ayrım menshik iyesi tárepinen jeke halda ámelge asırıladı.
Kooperativ jeke menshik degende, baylıqtı individual tárizde ózlestiriw, biraqta menshik iyeleri sheriklik tiykarında málim toparlarǵa birlesken jaǵdayda ózlestiriliwi túsiniledi.