Mehrinoz abbosova men yoshlikman

TO‘RTLIKLAR

Orzugulim yashnab o‘smoqda durkun,

Xayolning eng go‘zal qasrini qurdim:

Qo‘llarimni cho‘zsam yetadi bir kun

Osmonning boshini silashga qurbim.

* * *

Dunyo, meni anoyi bilma,

Kamolim baxt bo‘lib gullaydi.

Mening sabrim tugagunicha,

Sabrning ham sabri tugaydi.

www.ziyouz.com kutubxonasi

---

60

Mehrinoz Abbosova

* * *

Shuncha quvonchlardan yuragim karaxt,

Asta omad qushin yelkamga oldim.

Baxt bu — osmono‘par ulkan bir daraxt,

Uning shoxlariga ilinib qoldim.

UCHLIKLAR

Nega gullamasdan turibsan karaxt,

Yiqilib ketar deb g‘am ye ma,     daraxt,

Senikidan chuqur mening ildizim.

* * *

Bir o‘zimni tashlab qochsang ham,

Boshimdan balolar sochsang ham,

Men senga gul sovg‘a qilaman.

www.ziyouz.com kutubxonasi

---

61

Men yoshlikman