“Mektepke shekemgi bilimlendiriw shólkemlerinde bolajaq tárbiyashí pedagoglardíń kásiplik motivaciyasín asíríw texnologiyalarí”

Ájiniyaz atındaģı Nókis mámleketlik pedagogikalıq institutı Magistratura bólimi 70110201-Tálim hám tárbiya teoriyası hám metodikası (Mektepke shekemgi tálim) qánigeligi magistrantı Masharipova Barnonıń “Mektepke shekemgi bilimlendiriw shólkemlerinde bolajaq tárbiyashí pedagoglardíń kásiplik motivaciyasín asíríw texnologiyalarí” temasinda jazģan magistrliq dissertaciyasınıń
ANNOTACIYASÍ
Izertlew jumısınıń aktuallıǵı : Jáhánda tálimniń globallasıwı (globalization of education) nátiyjesinde birden-bir tálim mákanın jaratıw, onıń strukturalıq sistemaları arasındaǵı ayırmashılıqtı kemeytiw dástúri ushırasıp atır. Rawajlanǵan mámleketler mektepke shekemgi tálim sistemasında pedagoglardı tayarlaw mazmunın kásiplik kompetentlik hám motivacion faktorlar jardeminde jetilistiriw hám de jámiyettiń ózgeriwsheń talaplarınan kelip shıǵatuǵın social buyırtpanı tolıq orınlaw, atap aytqanda, mektepke shekemgi bilimlendiriw tarawındaǵı zárúrli wazıypalardı zaman talabı dárejesinde sheshiw, aqılıy jaqtan jetik , tarawdaǵı innovciyalıq processlerdi tez ózlestiriwge ılayıq qánigelerdi tayarlawǵa kop múmkinshilikler berilgen.
Izertlew jumısınıń obyekti - pedagogikalıq joqarı tálim shólkemleri mektepke shekemgi tálim baǵdarı studentleriniń kásiplik motivaciyasın jetilistiriw procesi.
Izertlew jumısınıń maqseti: bolajaq mektepke shekemgi tálim shólkemleri tárbiyashı-pedagoglar kásiplik motivaciyasın qáliplestiriw texnologiyaların jetilistiriwden ibarat.
Izertlew jumısınıń ilimiy jańalıǵı:
- Bolajaq tárbiyashı-pedagoglar kásiplik motivaciyasın qáliplestiriwdiń pedagogikalıq zárúrligı hám qásiyetleri kásiplik kompetentlikke ayrıqsha áhmiyet beriw, tálim texnologiyaların mektepke shekemgi tálim oqıw procesi mazmunına sistemalı engiziw tiykarında anıqlastırıladı;
- Bolajaq tárbiyashı-pedagoglar kásiplik motivaciyasın qáliplestiriw modeli dóretiwshilik hám maqsetli iskerlik, social baylanıslar, mútajlik, qálew sıyaqlı motivaciya kategoriyaları menen kásiplik motivaciyanı qáliplestiriwdiń didaktikalıq sisteması ortasındaǵı dialektikalıq baylanıslılıqtı támiyinlew bilimlendiriwge tiyisli processler izbe-izligi (algoritmi) tiykarında rawajlandırıladı;
- Bolajaq tárbiyashı-pedagoglar kásiplik motivaciyasın qáliplestiriw texnologiyasınıń programmalıq hám didaktikalıq támiynatı variativlikke tiykarlanǵan oqıw procesin kompleks proektlestiriw hám tárbiyashı-pedagog kognitiv iskerligine salıstırǵanda tálim standartları, ilimiy tájriybe talaplarınan ibarat social buyırtpanı inabatqa alǵan halda rawajlandırıladı.