Davlat boshqaruvi tushunchasining rivojida A.Smitning hissasi kattadir. U nafaqat klassik siyosiy iqtisodning vakili, balki boshqaruv sohasining mutahassisidir. U mehnat bo‘linishini turli shakllarini tahlil qildi, davlat va davlat boshqaruvchisining majburiyatlariga ta’rif berdi.
R.Ouen ta’limoti menejmentning maktab va ilmiy yo‘nalishlarining shakllanishiga katta ahamiyat kashf etdi. Uning gumanitar g‘oyalari, ishlab chiqarishni boshqaruv, xizmatchilarning ishlash sharoiti va hayotini yahshilash, o‘qitish zaruriyati bugungi kunda ham dolzarb mavzular bo‘lib kelmoqda.
Hisoblash mashinasining yaratilishi va qo‘llanilishi boshqaruvni nazariyasi va amaliyotida ilk to‘ntarishga olib keldi. 1833 yilda angliyalik matematik Ch. Bebbidj “Tahlil mashinasi”ning loyihasini ishlab chiqdi – hozirgi zamonaviy raqamli hisoblash texnikasining dastlabki ko‘rinishi, o‘sha davrdayoq boshqaruv masalalarining yechimini tezkorlik bilan bajarishga olib keladi.
III davr – tizimlashtirish davri (1856 – 1960)
Boshqaruv to‘g‘risidagi ilm doimiy harakatda. Yangi yo‘nalishlar, maktablar, oqimlar shakllanmoqda ilmiy apparat o‘zgarmoqda va mukammalashmoqda, qolaversa tadqiqotchilar va ularning qarashlari o‘zgardi. Vaqt o‘tishi bilan menejerlar iste’mol mo‘ljallarini boshqaruv kuchlarini o‘rganishga qaratdilar. Ayrimlari boshqaruv muammolarini o‘tgan davri usullari bilan yechishga harakat qiladilar, boshqalar esa tuzilmalashtirilgan boshqaruv usullaridan foydalandi. Ularning individual muvaffaqiyatlari, yutqizishlari hozirgi zamon menejerlari uchun ham ibratli darsliklar bo‘lib qolishi mumkin
Ilk menejerni asosan ishlab chiqarishning samarasi masalasi qiziqtirgan edi (texnikaviy yondoshuv). Ular o‘z faoliyatlarini ishchilarni moslashishiga qaratgan edilar. Shu maqsadda ish joylarni dizayni ishlab chiqilgan har xil turdagi operatsiyalarga vaqt sarflanishi o‘rganilgan edi.
