Mening jonajon O`zbekistonim

42-Mavzu: O`zbekiston millatlar aro tinchlik o`chog`i
Faoliyatning maqsadi: Bolalarni o`z ona yurtimiz haqida, bizga chegaradan qo`shni mamlakatlar haqida hamma malumotlarga ega bo`lishga yordam berish, ularni barcha davlat bayramlarini, udumlarini urf-odatlariga hurmat, o`z Vataniga nisbatan faxr-iftixor tuyg`ularini shakllantirish.
O`z boyligimiz, milliy kiyim, an-analarimiz bilan faxrlanish, ko`z-ko`z qilish, butun dunyoga namoyish etish kabi.
Faxrli tuyg`ularni o`stirish, sayoxat orqali bolalarni bir-biriga, qo`shni mamlakat bolalariga nisbatan ham do`st-o`rtoq bo`lish, ularni hayot tarsi bilan tanishish, o`zbek xalqi hamda chegaradosh davlatlar qadimda qardosh , urug` aymoq bo`lib yashagani, bir-birlari bilan inoq yashagani, hozir ham shunday ekanini bolalarga tushuntira olish
Kerakli jixoz va materiallar: Bizning Davlat – hamdo`stlik davlati mavzusida video lavha, mavzuga oid rasimlar, “Mehmon keldi” syujetli rolli o`yini uchun jixozlar.
E’tiborga molik jixatlar: Bolalar o`z ona yurtiga bo`lgan mehr muhabbatini hissi oshib boradi, g`urur tuyg`usi shakllanadi.
Faoliyatning borishi:
Shirindan shaker erkatorlarim. Hammangiz sog` va omonmisiz. Kayfiyatingiz yaxshimiz?

Bolalar: ha deyishadi
Tarbiyachi: bolalar men yo`lda kelayotib butun qishlog`imizni tomosha qilib keldim. Chiroyli ko`chalar, baland binolar qishlog`imiz chiroyiga chiroy qo`shib turibdi. Men yo`lda sizlar uchun dunyo xaritasini sotib oldim. Negaki xaritani hamma bilgani yaxshi. Biz qaysi joyda yashaymiz? Vatanimiz xaritani qaysi qismida joylashgan? Shuni kuzatib boramiz. (Shu payt eshik taqqillab qoladi, tarbiyachi eshikni ochadi). Pochtachi aka kelgan ekan. U xat olib tarbiyachiga tutkazdi. – bu sizga …… rahmat po`chtachi amaki. Bu qanday xat bo`ldi ekan.
Xatni ochib o`qiy boshladi. Xurmatli O`zbekistonday chiroyli vatanda yashayotgan aziz insonlar, shirindan-shakar bolajonlar. Biz sizlarni yurtingizda juda ko`p mehmon bo`ldik. Qadimiy shaharlaringizni, chiroyli, aziz maskanlaringizni ziyorat qildik. Ular Samarqand, Buxoro, Xiva, Qo`qon va poytaxtingiz go`zal Toshkent juda yoqdi.
Milliy taomlaringiz osh, norin, manti, chuchvara, xonim, kabob, sumalak aytib sanog`iga yetolmaymiz. Juda mazza qildik. Mexmonxonalaringiz juda shinam, insonlaringiz, mehmondo`st, ko`ngli ochiq, transportlaringiz bizga ko`ngildagidek xizmat qildi. (shu paytda yurtimiz yutuqlari, shu aytilgan manzaralar bo`yicha videolar ekranda namoyish etiladi). Endi sizlarni biz mehmonga chorlaymiz, bolajonlarni olib bizning Davlatimizda ham mehmon bo`lib sayoxatga kelsangiz, boshimiz ko`kga yetardi. Sizlarga qo`shni bo`lib yashovchi Qirg`iziston, Turkmaniston, Qozog`iston, Tojikiston hamda Avg`oniston davlatlari xalqlari. (Xatni tugatib tarbiyachi bolalarga yuzlandi).
Qarang bolajonlar bizning Davlatimiz qanchalik insonlarga yoqibdi, ularning ham mehrini qozonibdi. Xatni ichida taklifnomalar ham bor ekan. Bolajonlar kelinglar xaritadan ushbu davlatlar Vatanimizning qaysi tomonida joylashganini ko`ramiz, va aniqlaymiz. (Xaritadan O`zbekistonni chegaralab ko`rsatiladi so`ng qolgan davlatlar joylashishini kuzatiladi.)
Bolajonlar keeling bo`lmasa hammamiz mamlakatga sayoxatga chiqamiz.
O`zbekistonnimizning AFROSIYOB tezyurar poyezdida boramiz, ungacha biz o`zimizning mashinalarimizga o`tirib poyezd turar joyiga yetib olamiz. O`zimizning yurtimizda ishlab chiqilyotgan mashinalar juda shinam va tez yurar to`g`rimi?
Biz yo`lga nimalar olamiz. Albatta aziz nonimizni chunki u risq ro`zimiz. Mezbonlarga sovg`a salomlar mevalarimizdan olamiz, chunki ular serquyosh O`zbekistonimizda asal qand bo`lib pishgan, milliy kiyimlarimizni kiyib, boshda do`ppi, atlas, adras liboslarimiz bilan yo`lga otlandik.
Sayoxatga otlandik biz
Sevinib shodlandik biz
G`ildirakli shinada
Ajoyib mashinada
Qaranglar O`zbekistonimiz ko`chalari, yo`llari tekkis ravon. Mashinalar esa bir-biridan chiroyli, binolar baland, ko`rkam.
Bog`lar bor gullar o`sar
Tog`larda suvlar oqar
Tangrim suyib bergan husning
Buncha go`zal, buncha go`zal
Shu vatanning erkasiman
Ochilganing g`unchasiman
(Poyezd turargohiga yetib borildi. So`ngra poyezdlarga joylashildi. Afrosiyob poyezdlari. Tarbiyachi poyezd bilan tanishtiradi.) Bu O`zbekistonda ishlab chiqarilgan tez yurar poyezd. Uinsonlarni bir zumda manzilga eltib qo`yadi. (So`ng poyezda sayoxat davom etadi). Mana bolalar yurtimizdan uzoqlashib yurt sog`inchini xis qilyabmiz. To`g`rimi?
Buyuk allomalar bekorga aytishmagan. Vatan qadrini undan uzoqlashganda bilasan deb, ana bolajonlar, Qirg`iziston davlatiga yetib keldik. Qirg`iziston O`zbekiston bilan chegaradosh. Xozirda ikki davlat axolisi bir-biri bilan axil-inoq.
Qig`iziston nomi yozilgan plakatlar, qirg`iz liboslari kiygan bolalar, ular o`z davlati xaqida bolalarga ma’lumotlar beradi.
Qirg`iziston poytaxti – Bishkek Qirg`izistonda katta oloy tog`lari, issiq ko`llari bor. Oltin, ko`mir, neft boyliklari mavjud. (Shu joyda videoroliklar qo`yiladi. Chanqovuz chalgan momolar, milliy kiyimda). So`ng bolalar bir-birlari bilan qo`l berib do`stlashadi. Sizlar do`st – o`rtoq bo`lishingiz kerak. Ular o`z she’rlarini aytib beradi bolalarga sovg`alar berilib so`ng ular bilan hayrlashamiz endi qo`shni Qozog`istonga yo`l olamiz. Bolalar yana poyezdlarga joylashadi.

Poyezdlarga joylashdik

Siz bilan hayrlashdik
Mana yuramiz asta
Yetib bordik bir pasta
Bir zumda Qozog`iston Respublikasiga keldik. Bolalar man Qozog`iston Respublikasi. U joyda ham bolalar non tuzi bilan kutib oladi. Ular Qozog`iston milliy kiyimida. Qozog`iston ham Qirg`iziston ham, O`zbekistonga o`xshab mustaqil davlat. (Davlat bayrog`i ko`rsatiladi.)
Qozoq bolalari o`z yurti haqida so`zlab beradi. Qozog`izton poytaxti Astana. Ular qozoq tilida so`zlashadi. Qozog`iztonda ko`b jun, paxta, kartoshka g`alla yetishtiriladi. U joyda baland tog`lar,cho`llar juda ko`p, ular ham o`z milliy madaniyatiga ega. (Bolalar ular bilan ham sovg`a salomlar ulashib so`ngra hayrlashamiz).
Bolalar endi samalyotga joylashamiz. (bolalar kamarlarni qadaydi, so`ngra osmon uzra parvoz qilamiz. Yuqoridan tabiatni tomosha qiladilar).
Keyin o`yladik bir oz
Qilsak bo`lardi parvoz
Samalyotga joylandik
Va parvozga shaylandik

Bolalar qochinglar, samalyot kelyabdi guv-guv-guv …..

(Bolalar bilan samalyotdan tushamiz. So`ngra Turkmanistonga yetib kelganimizni aytaman). (uzun liboslar kiygan, sochlari uzun qizlar non, tuz bilan mehmonlarni siylashadi. Ular qo`lga to`qilgan gilamlar bo`lgani bois gilamlar to`shab qo`yilgan).

Turkman bolalari salomlashadi, biz ham ular bilan salomlashamiz. Ular o`zlarining kuy-qo`shiqlarini namoyish qiladilar.

Yurtni madx etuvchi video ro`liklar orqali Turkmaniston Nilan tanishamiz. Turkmaniston azaldan O`zbekiston bilan qardosh, inoq bo`lib yashaydi. Turkmaniston poytaxti Ashxabod. Turkmanistonda neft, gaz, qalay, rangli noyob metal ishlab chiqariladi. Turkmaniston ham mustaqil davlat. Ma’lumotlardan so`ng bolalar ular bilan hayrlashib, Tojikiston tomonga yo`l oladilar. Tojikistonga yetib borilgach, ular bilan salomlashamiz. Tojikiston ham juda ko`rkam chiroyli joy. Yaylov tog` o`simliklari archa yong`, olcha, jiyda o`sadi. Tojikcha qo`shiqlarni eshitganmiz-a bolajonlar. Ular juda yoqimli ham inson ko`nglini ko`taradi. Tojikiston poytaxti Dushanbe ular Tojik tilida suhbatlashadi. Ularga ham sovg`a salomlar berib, Avg`oniston tomon yo`l olamiz. Avg`onistonlik bolalar o`z liboslarida turadi.
Ular bilan salomlashib so`ng ular videorolik orqali vatani haqida ma’lumotlar olamiz. Avg`oniston poytaxti Qobul. Avg`onistonda ko`p tog`lar ularning milliy bayramlari mustaqillik hamda xotira kunlari bor. Ularning boyligi pahta, gilamlar, gaz kabilardir. Bolalar ma’lumotlar olgach qiziqib tomosha qiladi. So`ngra ular bilan ham do`stona hayrlashib o`z ona yurtimiz tomon yo`l olamiz. Samalyot qo`ngach, ona yurtimiz hushbo`y tabiati, manzarasi bizni hursand etadi. Bolalar bilan yurtimiz xaritasini chegaralab ko`rsatamiz, so`ngra hammamiz birga O`zbekistonim qo`shig`ini xo`r bo`lib aytamiz. Bolalar o`z taassurotlari bilan o`rtoqlashadilar. Birgalikda ushbu she’rni yod olamiz.
Turkman, Tojik, Avg`on, Qirg`iz
Yaqin o`rtoq do`st, o`g`il qiz
Shu do`stlikning bog`ida
O`ynab kulib shod o`samiz
Bizlar axil elatlarmiz
Tinchlik uchun kurashamiz
Shodon inoq millatlarmiz
Axillikda birlashamiz