2
Elmi redaktoru: Fəxrəddin Nağıyev
hüquq elmləri namizədi
Yunis Fərman oğlu Xəlilov. Azərbaycan Respublikası
Konstitusiyasına dair 555 sual – 555 cavab. Bakı. “Qanun”.
səh.
Kitabda Azərbaycan Respublikası Konstitusiyasına
dair 555 suala 555 cavab öz əksini tapmışdır. Naxçıvan
Muxtar Respublikasının qanunvericilik sistemi Azərbaycan
Respublikasının qanunvericilik sisteminin tərkib hissəsi
olduğundan (Naxçıvan Muxtar Respublikası Konstitusiya-
sının 48-ci maddəsinin birinci hissəsi) kitaba Naxçıvan
Muxtar Respublikasının Konstitusiyası ilə bağlı zəruri
əhəmiyyət kəsb edən sualların da daxil edilməsi məqsədə-
müvafiq hesab edilmişdir.
Tərtibçi sualların hazırlanmasında əsasən Azərbaycan
Respublikası Konstitusiyasının müddəalarına istinad etmiş,
eləcə də, müxtəlif hüquq ədəbiyyatlarından yararlanmışdır.
Kitabın hazırlanmasında tərtibçinin əsas məqsədi
Azərbaycan Respublikası Konstitusiyasına dair nəzəri
biliklərin möhkəmlənməsində hüquq fakültəsinin tələbələ-
rinə metodik köməklik göstərməklə yanaşı, ayrı-ayrı hüquq
mühafizə orqanlarına qəbul olmaq üçün imtahanlara hazır-
laşan hüquqşünaslara yardım etməkdən ibarətdir.
Kitabdan eyni zamanda, Azərbaycan Respublikasının
Konstitusiyası ilə maraqlanan hər bir şəxs istifadə edə bilər.
