Microsoft Word al adab oqshom ziyouz com doc

330-bob. "Allohim, meni marhamating qarorgohiga qo'ygin", degan hadis 
haqida 
789. Abu Horis Kirmoniy aytdilar:"Bir kishi Abu Rajoga: "Senga salom bo'lsin, Allohdan 
marhamati qarorgohida ikkimizni birga qilishini so'rayman", deganini eshitdim. Abu Rajo 
unga: "Biror kishi bunga qodirmi? Allohning marhamat qarorgohi nima ekan?" - deb 
so'radi. Boyagi kishi: "Jannat", degandi, Abu Rajo: "Topolmading", dedi. "Nima bo'lmasa 
Allohning marhamati qarorgohi?" - deb so'radi u odam. "Olamlarning Parvardigoridir", 
deb javob berdi Abu Rajo". 
331-bob. Zamonni so'kmaslik haqida 
790. Abu Hurayra (r.a.)dan rivoyat qilindi: Payg'ambar (s.a.v.): "Sizlardan birortangiz 
"E, bu zamondan ko'nglim qoldi", deb zamonni so'kmasin. Chunki Alloh zamondir. 
Boshqa hadislarda "Zamon Allohnikidir", deyilgan. 791-hadis 790-hadisning aynan 
takrori. 
 

---

Al-adab al-mufrad. Imom Ismoil al-Buxoriy 
www.ziyouz.com kutubxonasi 
124
332-bob. Musulmon musulmonga tik qaramaydi 
792. Mujohid (r.a.) aytdilar: "Musulmon kishi birodariga yov qarash qilishi, uni ta'qib 
qilishi yoki: "Qaerdan kelding?" "Qaerga ketyapsan?" - deb so'roqqa tutishi makruhdir". 
333-bob. "Holinga voy bo'lsin", deyish haqida 
793. Anas ibn Molik (r.a.)dan rivoyat qilindi: Payg'ambarimiz (s.a.v.) bir kishi qurbonlik 
qilinadi gan tuyani haydab ketayotganyni ko'rib: "Unga min", deb buyurdilar. U odam: 
"Bu qurbonlik tuyasiku", dedi. Rasululloh (s.a.v.) yana: "Min unga", dedilar. U yana "Bu 
axir qurbonlikka olib ketilayotgan tuyaku", dedi. Ul zot yana: "Min bu tuyaga", deb 
buyurdilar. Kishi yana o'sha javobini bergan edi, "Holinga voy bo'lsin sening, min unga", 
deb buyurdilar. 
794. Ibn Abbosdan bir kishi: "Men non va go'sht yegandim. Tahoratimni yangilashim 
kerakmi?" - deb so'radi. Ibn Abbos: "Holingga voy bo'lsin sening, halol narsa yesa ham 
tahorat buzilarkanmi?" - dedilar. 
795. Jobir ibn Abdulloh aytdilar: Rasululloh (s.a.v.) Ji'irrona mavzesida Hunayn g'azotida 
tushgan o'ljalarni taqsimlayotgan edilar. Oltinlar Bilol (r.a.)ning quchog'ida edi.Ul zot 
huzurlariga bir kishi kelib: "Siz adolat qilmayapsiz, adolat qiling!" - dedi. Rasululloh 
(s.a.v.): "Holingga voy bo'lsin sening, men adolat qilmasam, kim qiladi?" - dedilar. 
Shunda hazrati Umar: "Ey, Allohning Rasuli, izn bering, bu munofiqning bo'ynini uzib 
tashlay!" - dedilar. Rasululloh (s.a.v.): "Bu va buning do'stlari Qur'onni o'qiydilar, lekin u 
bo'g'izlaridan nariga o'tmaydi, kamondan o'q qanday otilib chiqsa, ular ham dindan 
shunday chiqib ketadilar", deb marhamat qildilar. 
"Zahm" kulfat, ozor ma'nosida, "bashir" esa, xushxabar keltiruvchndir. 
796. Bashir ibn Ma'bad Sadusiydan rivoyat qilindi. Rasululloh (s.a.v.) undan: "Isming 
nima?" - deb so'radilar. "Zahm", deb javob qildi u. Ul zot: "Yo'q, sening isming Bashir 
bo'lsin", dedilar. 
Bashir aytdilar: Rasululloh (s.a.v.) bilan qabriston oralab ketayotgan edik. Ul zot 
mushriklarning Qabri yonidan o'dalar, 3 marta: "Bular ko'p xayrli ishlarni qo'ldan boy 
berdilar", derdilar. Musulmonlar qabri yonidan o'gayotganda esa: "Bular ko'plab 
ezguliklarga erishdilar", derdilar uch martadan. Tasodifan Payg'ambarimiz (s.a.v.)ning 
qabristonda poyafzali bilan yurgan kishiga ko'zlari tushib qolib: "Ey, sabtiyali, 
sabtiyangni tashla", dedilar. U odam Payg'ambar (s.a.v.)ni ko'rgach, oyoq kiyimlarini 
yechibotib yubordi. 
Sabtiya - oshlangan teridan tayyorlangan poyabzal.