Microsoft Word etno kitab son srift 12

ETNOPSİXOLOGİYA 
297 
etnopsixoloji baxımından bir sıra oxşarlıqlar olsa da, onların hər 
biri güclü və müstəqil milli “mənliyə” sahibdirlər. Onlar 
vətənpərvərdirlər və ölkələrinin vətəndaşı olmaqdan qürur 
duyurlar. Buna görə də bu regionun xalqlarına “skandinaviyalılar” 
demək əvəzinə, hər birinə ayrılıqda adı ilə müraciət etmək məqbul 
sayılır. Məşhur rus yazıçısı və jurnalisti G.Fiş qeyd etmişdir ki, 
isveçlilər Skandinaviyanın ingilisləri, danimarkalılar Skandina-
viyanın fransızları, norveçlilər isə Skandinaviyanın ruslarıdır.
Skandinaviya xalqlarının etnofərqləndirici əlamətlərini və stereo-
tiplərini danimarkalı yazıçı V.Bornholst “Skandinaviya vikinqi bu 
gün” əsərində özünəməxsus yumor hissi ilə əks etdirib. Etnop-
sixoloji xüsusiyyətlərin formalaşmasına təsir edən amillərin təhlili 
müasir Skandinaviya xalqlarının mentaliteti haqqında dəqiq 
təsəvvürlərinin yaranmasına imkan verə bilir.
Norveç xalqının etnopsixoloji xüsusiyyətləri uzun müddət 
ərzində bir qrup amillərin təsiri altında əmələ gəlmişdir. Soyuq qış, 
qısa yay, rütubət və sərt küləklər “nordik xarakterinin” 
formalaşmasına səbəb olmuşdur. Norveç milli ədəbiyyatında təsvir 
edilən “nordik insan” obrazı yavaş-yavaş müasir norveçlinin 
psixoloji portretindən uzaqlaşır. 
Norveçi çox vaxt Avropanın zirvəsi adlandırırlar, çünki o 
Skandinaviya yarımadasının şimal-qərb qurtaracağında yerləşir. 
Norveç şimal ölkələrin içərisində ən cavan ölkədir. XX əsrin 
əvvəllərinə qədər Norveç, Danimarka, sonra isə İsveçlə bir ittifaqda 
olmuşdur. 1905-ci ildə Norveç öz müstəqilliyini elan edir. Hər bir 
xalqın inkişafında milli özünüdərketmə hissi çox vacibdir. 
Norveçlilər öz milli özünüdərketməsini gücləndirmək üçün soy-
köklərini vikinqlərlə bağladılar və bütün dünyaya elan etdilər ki, 
Norveç sakinləri skandinaviya ağacında tamamilə ayrıca bir 
budaqdırlar və onların mədəniyyətləri və dili saqalarda təsvir 
olunub. Norveç sakinlərinin fikrincə məhz onların ölkələri bütün 
şimalın mədəni mərkəzi olmuşdur.
Norveç xalqının milli mədəniyyətinin inkişafında “şimal 
elementlərinin” çox böyük rolu olmuşdur. Bu da təsadüfi deyildir, 

---