Microsoft Word etno kitab son srift 12

ETNOPSİXOLOGİYA 
260 
Hind-Avropa dil ailəsi. Bu dil ailəsi 12 budağa ayrılır: Hind, 
İran, Slavyan, Baltik, Alman, Kelt, İtalyan, Roma, Alban, Yunan, 
Anadolu, Toxar. 
Roman dilləri budağı Roma imperiyasının dağılmasından 
sonra latın dilinin danışıq dialektlərindən əmələ gəlmişdir. Bunlar: 
İspan, Portuqaliya, Katalon, Fransız, Provansal, İtalyan, Sardin və 
Retoraman (Fransız, İtaliyan və Alman dilləri ilə yanaşı, İsveçrənin 
dövlət dili), Rumin, Moldav dilindən ibarətdir. 
German tayfaları olan Frankların, Almanların, Burqunların 
hücumları Qalliyada Roma hakimiyyətinə son qoydu. Burada
Franklar daha möhkəm dövlət yaratmağa müvəffəq oldular. 
Fransanın ərazisi Frank dövlətinin əsası oldu. 843-cü ildə Karlın 
(Charle le Man) imperiyasının 3 hissəyə bölünməsi etnik 
xüsusiyyətləri və dildəki dəyişiklikləri əks etdirir. Müasir Fransanın 
ərazisini əhatə edən Qərbi Frank krallığının əhalisi latın dili 
əsasında formalaşmış roman dilində, Şərqi Frank Krallığının əhalisi 
isə german dilində danışır. Roman dili burada vahid dil deyildir. 
Hazırda fransız dilində (ana dili və dövlət dili kimi ) 90 mln-
dan çox əhali danışır. Bundan başqa Belçikanın Valloniya əyalə-
tində Hunsemburqda, İsveçrədə, Kanadanın Kvebek (Quebec) 
əyalətində fransız dilində danışırlar. Keçmişdə Fransanın əsarətində 
olmuş Afrikada, Asiyada Okeaniyada və Karib dənizi sahillərində 
də fransız dilində danışan əhali az deyil.
Fransızların işğüzar üslubu. Fransada həyat şəraiti çox 
yüksəkdir. Qərbi Avropa, eləcə də dünya mədəniyyətinin 
inkişafında Fransızların müstəsna rolu olmuşdur. Fransada təhsilə 
xüsusi əhəmiyyət verirlər. Burada 400-ə qədər ali təhsil müəssisəsi 
vardır. Parisdə 13 universitet fəaliyyət göstərir. Fransada ailəyə 
gəlir gətirən maddi şeylərin 30-dan çox adı var: maaş, yardım, 
qonorar, gəlir və s. Fransızlar yazıçının dövlət qonorarını dövlət 
qulluqçusunun maaşından daha mötəbər hesab edirlər (hətta dövlət 
qulluqçunun gəliri dəfələrlə çox olsa belə). 
Fransızların pula, var-dövlətə özünəməxsus münasibətləri 
vardır. Onlar qənaətçilliyi daha düzgün hesab edirlər. Bəzən isə bu 

---