Microsoft Word ihyo ulimdan sung ziyouz com doc

www.ziyouz.com kutubxonasi 
15
qaramagan birorta odam topilmasa?! 
Sen bu dahshatli iskaijadan qutulishga urinasan, umidla Parvardigori Egamga 
bo‘yningni cho‘zasan, koshki u Zot bu qo‘llardan seni xalos etsa. Shunda qulog‘ingga 
ulug‘ va qudratli Zotning nidosi eshitiladi: 
«Bu Kunda har bir jon o‘zi qilgan ish amali bilan jazolanur. Bu Kunda (hech 
kimga) zulm qilinmas» (G’ofir, 17-oyat). 
O’sha paytdagi dahshat qalbni ildizidan sug‘urgandek bo‘ladi, nafs halokatiga aniq 
ishonadi va Alloh taoloning O’z payg‘ambari orqali ogohlantirganlarini eslaydi: 
«(Ey Muhammad), siz hargiz: «Alloh zolim kimsalarning qilayotgan 
amallaridan g‘ofil», deb o‘ylamang! Faqat Alloh ularning (jazolarini) ko‘zlar 
(dahshatdan) qotib qoladigan (qo‘rqinchli qiyomat) kuniga qoldirmoqda, holos. 
(U kuni) ular boshlarini (osmonga) ko‘targan hollarida (chorlangan tomonga 
hisob-kitob uchun) chopurlar. Ko‘zlari o‘zlariga qaytmaydi (ya’ni, qo‘rquvdan 
qotib qolib, o‘zlarining qanday holda ekanliklarini ham ko‘rmaydilar)... (Ibrohim, 
42-43-oyatlar). 
Bugun sen odamlarning izzat-nafsiga tegib, ularning mollarini yeb, o‘yiab-kulib 
yuribsan. Bugun sening quvonching naqadar cheksiz! Lekin u Kun - adolat gilami uzra 
Rabbingning xuzurida turganingda, senga siyosat bilan xitob qilinayotgan bir paytda 
hasrating naqadar cheksiz bo‘lur! Sen u Kunda muflis, faqir, ojiz, hatto uzr aytishga ham 
yaroksiz, siniq bir ahvolda qolasan. 
Evoh! Umr bo‘yi ter to‘kib topgan yaxshiliklaring u Kuni haqlari uchun evaz 
so‘rayotgai da’vogarlaring hisobiga o‘tka-ziladi. 
Abu Hurayra roziyallohu anhu shunday rivoyat qiladi: «Payg‘ambar alayhissalom 
dedilar: 
— Muflis kim bilasizlarmi? 
— Ey Allohning rasuli! Bizningcha, muflis na dirhami, na dinori, na boshqa matohi bor 
kishidir, dedik. Shunda Payg‘ambar alayhissalom aytdilar: 
— Ummatimning muflisi Qiyomat kuni Parvardigorining xuzurida o‘qigan namozi, 
tutgan ro‘zasi, bergan zakoti bilan hozir bo‘ladi. (Lekin shu ibodatlarni ado etgani holda) 
u kimnidir so‘kkan, kimningdir obro‘sini poymol qilgan, birovning molini yeb ketgan, 
birini urgan, boshqasining qonini to‘kkan. (Bu mazlumlarning) buiisiga ham, unisiga ham 
uning yaxshiliklaridan olib berilaveradi. Natijada, mazlumlarning haqlaridan hali 
qutulmay turib, (topgan barcha) yaxshiliklari tugab bo‘ladi. Endi unga da’vogarlariing 
gunohlari yuklanadi, Keyin u jahannamga uloqtiriladi» (Abu Hurayra rivoyati). 
Bas, u Kundagi musibat haqida o‘yla. Aytchi, riyo ofatlaridan, shayton hiylalaridan 
omonda bo‘lgan biron yaxshiliging bormi?! Bilgilki, agar bitta xayr amalni uzoq 
muddatlarda, ming mashaqqat bilan bu ofatlardan omon saqlab qolganingda ham 
oxiratdagi da’vogarlaring sevdan pesh-qadamroq u amalga yetadi va uni o‘ziniki qilib 
oladi. 
Nafsingni bir tergab, taftish qilib ko‘r! Kunduzni ro‘za, kechani namoz bilan 
o‘tkazishga tirishding. Keyin bildingki, hali kun tugab ulgurmasdanoq, tiling g‘iybatga 
shoshibdi. Endi o‘ylab ko‘r, shuncha topgan savoblaring qaerga ketdi?! Xo‘sh, haromu 
shubhali narsalarni yeganlaring, to-atlarni nuqsonli ado qilganlaringchi? Bunga qanday 
chidash mumkin?! Shoxsizlar uchun shoxlilardan qasos oli-nadigan kunda qanday qilib 
mazlumning haqlaridan xalos bo‘lishni umid etyapsan? 
Abu Zar shunday rivoyat qiladi: «Rasululloh sollallohu alayhi vasallam ikkita qo‘yning 
suzishayotganini ko‘rdilar va: 
— Ey Abu Zar, bularning nima uchun suzishayotganini bilasanmi? deya so‘radilar. 
— Yo‘q, dedi Abu Zar. 

---

Ihyou ulumid-din. O’limdan so’ng. Imom G’azzoliy