Microsoft Word ihyo ulimdan sung ziyouz com doc
Yüklə 256,61 Kb. Pdf görüntüsü
|
|
www.ziyouz.com kutubxonasi
13 ikki yo‘l orasida bo‘lasan: yo senga aytiladi: «Dunyoda sodir etgan gunohiigni bekitdim, bugun uni kechiraman». Avvalgilaru oxirgilar havas qilgulik bu holdan boshing osmonga yetadi. Yoki farishtalarga aytiladi: «Bu yomon bandani ushlanglar, bog‘langlar. So‘ngra jahannamga uloqtiringlar. O’shanda yeru osmonlar sen uchun yig‘laydi. Bu yig‘i sening ulug‘ musibatingga, Allohning toatidan benasib qolib chekayotgan qattiq hasratingga, oxiratingni bebako va tuban bir dunyoga almashganingga munosib yig‘ingdir. Mezon - tarozining sifati Mezon ya’ni, amallar tortiladigan tarozi haqida hech o‘ylab ko‘rganmisan? Ko‘z oldingga keltir: gunoh va savoblar bitilgan nomalar o‘ng va so‘lga sochilib uchadi, odamlar uch guruhga ajraladi. Birinchi guruh birorta savob amali yo‘q odamlardan iborat. Do‘zaxdan kop-kora bo‘yin chiqib, qush donni tergan kabi ularni teradi va barchasini yig‘ishtirib jahannamga uloqtiradi. Olov ularni komiga tortadi. Shunda: «Bu jahannamiylar abadiy badbaxtlikka tushdilar» degan nido eshitiladi. Ikkinchi guruh begunoh odamlardir. Ularga; «Allohga doimiy hamd aytuvchilar o‘rnidan tursin» deyiladi. Ular o‘rnidan qalqib, jannat sari yuradilar. So‘ngra kechalarini ibodat bilan o‘tkazuvchilar va dunyo tijorati Alloh taoloning zikridan chalg‘itmagan kishilarga ham shu muomala qilinadi. Keyin ularga: «Bu jannatiylar boqiy saodatga ketdi» degan nido bo‘ladi». Uchinchi guruh ko‘pchilikni tashkil etib, ular yaxshi va yomon amallarni aralash qilgan kishilardir. Ularning yaxshi amali ko‘pmi yo yomonimi, bu yolg‘iz Allohga ayon. Lekin Alloh taolo O’zining afvidagi fazlini va jazosida-gi adlini bandalariga ham bildirish uchun ularning amallarini taroziga soladi. Gunoh va savob amallar o‘ralgan noma va sahifalar har tomonga sochilib uchadi... Tarozi qurshtadi. Ko‘zlar nomalarga tikilgan: nomalar ta-rozining o‘ng pallasiga tushadimi yoki chap pallasiga? So‘nfa nigohlar tarozining tiliga qadaladi: gunohlar tomon og‘ir bosadimi yo savoblar? Bu daxshatli holat xaloyiqning aqlini shoshiradi. Hasan Basriy rivoyat qiladi: «Rasululloh sollallohu alayhi vasallam boshlarini Oisha onamizning tizzalariga qo‘yib uxlayotgan edilar. Oisha onamiz oxiratni eslab yig‘ladilar. Hatto ko‘z yoshlari sarvari olamning yonoqla-riga tushib, u zotni uyqudan uyg‘otib yubordi. Shunda Allohning rasuli: — Nega yig‘layapsan, ey Oisha? - dedilar. — Oxiratni esladim. Siz payg‘ambarlar Qiyomat kunida ahlingizni esga olasizmi? - so‘radi Oisha. — Jonim izmida bo‘lgan Zotga qasamki, uch yerda kishi kishini esga olmaydi: tarozi qurilib, amallar tortilayotgan paytda (chunki o‘sha payt Odam farzandining ko‘zi yen-gil yo og‘ir kelayotgan tarozi pallasiga qadalgan bo‘ladi nomai a’moli berilayotganida (bu paytda bandaning nazari o‘ng yo chapdan kelayotgan nomadan uzilmaydi); sirotdan o‘tayotganda» (Abu Dardo rivoyati). Anas ibn Molikdan rivoyat qilinadi: «Qiyomat kuni Odam farzandi tarozining ikki pallasi orasiga keltiriladi. Unga bir farishta vakil kilingan bo‘ladi. Agar bandaning tarozisi og‘ir kelsa, farishta odamlar eshitadigan ovozda nido qiladi: «Falonchi abadiy saodatga erishdi». Agar tarozisi yengil kelsa, farishta barcha eshitadigan ovozda: «Falonchi abadiy badbaxtlikka yuz tutdi» deya nido qiladi. Tarozining savoblar qo‘yiladigan pallasi yengil kelganida azob farishtalari qo‘llarida temirdan bo‘lgan to‘hmoqlar bilan, ustlarida olov kiyimlarda kelishadi va do‘zaxning nasibasini do‘zaxga olib ketishadi. Rasululloh sallalloqu alayhi vasallam Qiyomat haqida dedilar: «Alloh taolo Qiyomat |