Microsoft Word Materiallar Full

 

 

TRİS-(2,4-BİS(TRİXLORMETİL))-1,3,5-TRİAZAPENTADİENATO 

 Co(III) KOMPLEKSİNİN SİNTEZİ VƏ KRİSTALLİK QURULUŞU 

 

Namiq ŞIXALIYEV, A.V.QURBANOV, N.E.ƏHMƏDOVA, A.M. YUSİFLİ, N.T.AĞAYEVA, 

K.T.MAHMUDOV, A.M.MƏHƏRRƏMOV 

Bakı dövlət universiteti 

 [e-mail] 

 

Trixlorasetonitrilin ammonyakla metal duzları (Cu, Ni, Zn, Pd, Fe, Mn) iştirakında reaksiyasından bir mərhələdə bis və 

tris-(2,4-bis(trixlormetil))-1,3,5-triazapentadienato Me(II), Me(III) komplekslərinin sintezi, onların kristalik quruluşlarının 

RQA tədqiqatları  tərəfimizdən  ətraflı öyrənilmişdir [1-4]. Reaksiyaların otaq temperaturunda getməsi, aralıq məhsul olan 

liqandın reaksiya mühitindən ayrılmaması, istifadə olunan ilkin maddələrin ucuzluğu, komplekslərin yüksək çıxımla 

alınması, onların reaksiya qarışığından asan ayrılması və onların CH2Cl2:C6H6-da yenidən kristallaşdırılması tərəfimizdən 

aparılan bu üsulun böyük üstünlüyə malik olmasını göstərir. Ümumiyyətlə hallogenləşdirilmiş (CCl3, CF3) liqandlı 

komplekslərin yüksək termiki davamlılığı  və kimyəvi stabilliyi, uçuculuğu, üzvi həlledicilərdə xüsusən də 

hallogenalkanlarda yüksək dərəcədə həll olmaları maraq oyadıcı keyfiyyətlərdir. Bu xassələr onların katalizator kimi tətbiq 

olunması baxımından  olduqca əhəmiyyətlidir. Sintez etdiyimiz bis-(2,4-bis(trixlormetil))-1,3,5-triazapentadienato Zn(II) 

kompleksinin Henri reaksiyasıda katalizator kimi tətbiqi və onun effektiv aktivlik göstərməsi hərtərəfli tədqiq edilmiş  və 

yuxarıda söylənən xassələrin doğruluğu bir daha sübut edilmişdir (Sxem 1).  

---