Microsoft Word Materiallar Full

II INTERNATIONAL SCIENTIFIC CONFERENCE OF YOUNG RESEARCHERS 

454 

 Qafqaz University                         

          18-19 April 2014, Baku, Azerbaijan 

metodlarının,yeni qiymətləndirmə sisteminin yaradılması,bir sözlə,pedaqoji prosesdə  ən son təlim texnologiyalarından 

istifadə  məsələləri ilk növbədə ibtidai siniflərdə  tədbiq olunmağa başlanmışdır.Artıq bir neçə ildir ki,orta ümumtəhsil 

məktəblərində ibtidai siniflərdə kurrikulum islahatı  həyata keçirilir.Kurrikulum yeni təlim metodlarını,təlimin təşkili 

formalarını,qiymətləndirmənin növlərini,dövlət standartlarını,təhsil siyasəti,təhsilin idarəedilməsi və  s.  kimi  vacib 

məsələləri özündə birləşdirən və qarşısında konkret vəzifə və məqsədləri olan konseptual sənəddir.Bu islahata əsasən ibtidai 

siniflərdə pedaqoji proses yeni xüsusiyyətlər kəsb etməklə  bərabər,ənənəvi və müasir pedaqoji təcrübənin bir-biri ilə 

qarşılıqlı  əlaqəsi  şəklində  həyata keçirilir.Əsas məqsəd dərs prosesinin daha maraqlı,müəyyən mənada  şagirdlər üçün 

“əyləncəli” formada keçirilməsi,onların maraqlarının nəzərə alınması yolu ilə təhsilin səviyyəsinin qaldırılması, keyfiyyətinin 

yüksəldilməsi və dünya  təhsilinə inteqrasiya imkanlarının daha da artırılmasından ibarətdir. 

Təlim prosesinin müasirləşdirilməsində  zəruri olan məsələlərdən biri məktəblərin yeniləşdirilməsi məsələsidir. Təbii 

ki,bunun üçün ilk növbədə  məktəblərin müasir texnologiyalarla təmin edilməsi,ibtidai sinif müəllimlərinin bu 

texnologiyalardan ən səmərəli şəkildə istifadə etmə bacarığının formalaşdırılması məsələləri həll edilməlidir.Əgər məktəbdə 

ən son kompüter texnologiyası ilə  təmin edildiyi halda ondan dərs prosesində  məqsədyönlü  şəkildə istifadə edə biləcək 

müəllim yoxdursa, o zaman bu heç bir nəticə verməz,eləcə də əksinə. 

Elektron dərsliklərin hazırlanması  və istifadə olunması da önəmli məsələlərdən biridir.Hesab edirəm ki,elektron 

dərsliklər  şagirdlərin təlimə olan marağının artırılmasında böyük rol oynaya bilər.Çünki hal-hazırda azyaşlı  uşaqlar belə 

kompüter texnologiyası ilə  işləməyi bacarır,boş vaxtlarını kompüter arxasında özləri üçün maraqlı olan oyunlar 

oynamaqla,cizgifilmlərinə və filmlərə baxmaqla və s. şəkildə keçirməyi çox sevirlər.Elə bu səbəbdən də dərslərin elektron 

formada olması həm şagirdlərin maraqlarının təmin olunmasına,həm də müəllimin şagirdi öyrətmək məqsədinə çatmasına 

xidmət göstərmiş olar.Lakin bu o demək deyil ki,dərslər başdan sona kimi kompüter vasitəsilə  həyata keçirilməli və ya 

bütün dərsliklərin elektron forması hazırlanmalıdır.Əgər bütün dərsliklərin elektron  variantı olarsa,o zaman şagirdlərdə 

kitab oxumaq,müxtəlif qəzet və jurnalları mütaliə etmək bacarığı formalaşmaz,onlarda ümumiyyətlə kitaba maraq 

qalmaz.Bundan əlavə kompüter arxasında həddindən artıq vaxt keçirmək sağlamlığa ziyandır və orqanizmin şüalanmasına 

səbəb olur.Bu isə gələcəkdə xəstəliklərin yaranmasına təsir göstərir. 

Fikrimcə,tədris olunan fənnin məzmunundan,öyrədilən mövzunun məqsədindən asılı olaraq bəzi tapşırıqların 

kompüterdə  həll edilməsi,şərh olunacaq məsələnin slaydlar vasitəsilə  təqdim olunması,tərbiyəvi  əhəmiyyətli videoların 

göstərilməsi təlim prosesinin gedişində müsbət mənada dəyişiklik edə bilər.Ev tapşırığı kimi şagirdlərə internetdən istifadə 

etməklə  hər hansı bir mövzuyla bağlı  məlumat toplamağı tapşırmaq onlarda sərbəst axtarıcılıq qabiliyyətinin 

formalaşmasına və inkişafına təkan vermiş olar. 

Təlimdə kompüter texnologiyasından və internetdən istifadənin bir sıra  əhəmiyyətli xüsusiyyətləri vardır.Onları 

aşağıdakı kimi qruplaşdırmaq olar: 

1)  Qısa zaman ərzində daha çox informasiya əldə edə bilmək imkanı 

2)   İstənilən mövzu ilə bağlı informasiya bolluğunun olması 

3)  Şagirdlərin sərbəst və çevik öyrənməsinin təmin olunması 

4)  Şagirdlərin yaradıcı tədbiqetmə  imaknının genişliyi və s. 

Elektron dərsliklər və ya keçiriləcək hər hansı mövzunun elektron təqdimat forması anlaşıqlı,asan tərtib 

edilməli,şagirdlərin yaş  və anlaq səviyyəsinə uyğun olmalı,mövzunu tam əhatə etməli,bir sözlə pedaqoji və metodik 

tələblərə tam cavab verməlidir.Beləliklə,bütün bu xüsusiyyətlər nəzərə alınmaq  şərtilə  tədris prosesində  İKT-dən isrifadə 

edilməsi təlimdə keyfiyyətli dəyişiklik və müsbət nəticələr əldə olunmasında olduqca böyük rol oynaya bilər.