Microsoft Word Moliyaviy hisob-2

5000 - «Kassadagi pul mablag’lari»ni hisobga oluvchi hisobvaraqlar korrespondentsiyasi

№	Xo’jalik muomalalarining mazmuni	Hisobvaraqlar korrespondentsiyasi		Yozuvlarni tasdiqlovchi hujjatlar
		Debet	Kredit
1.	Bankdagi tegishli hisobvaraqlardan pul mablag’larining kassaga kelib tushishi (ish haqi, nafaqa, mukofotlar)	5010	5110, 5210	Pul cheki pattasi va bank ko’chirmasi, kassaning kirim orderi, kassa kitobi
2.	Yo’ldagi pul mablag’larining kelib tushishi	5010	5620	Kirim to’g’risidagi tasdiqnoma
3.	Mahsulot, ish va xizmatlarning naqd pulga sotilishi	5010	9010 - 9030	Sotish vedomosti va kassaning kirim orderi
4.	Hisobdor shaxslar tomonidan olingan va ishlatilmagan ortiqcha summalarning qaytarilishi	5010	4230	Bo’nak hisoboti va kassaning kirim orderi
5.	Pul mablag’larining kassadan hisoblashish hisobvarag’iga qaytarilishi	5110	5010	Topshirish e’loni va bankning ko’chirmasi
6.	Kassadan ish haqi va boshqa to’lovlarning (yordam pullari, mukofotlar, ishtirok etishdan daromadlar)ning berilishi	6710	5010	To’lov vedomosti va kassa chiqim orderi
7.	Bir martalik yordam pulining kassadan to’lanishi	9430	5010	Kassa chiqim orderi, rahbarning buyrug’i va ariza

Jurnal-order shakli bo’yicha hisobga olishda kassa bo’yicha muomalalar 1-jurnal-orderda
(5000-«Kassa» hisobvarag’ining kredit oborotlari) va jurnal-orderga kiruvchi 1-qaydnomada (5000-«Kassa» hisobvarag’ining debet oborotlari) aks ettiriladi. Aytib o’tilgan registrlarga qilinadigan qaydlar kassirning tekshirilgan va ishlov berilgan hisobotlari asosida har kuni olib boriladi.
Kassa muomalalarini olib borish tartibida kassani to’satdan inventarizatsiya qilish ko’zda tutilgan. Bunda kassadagi pul birma-bir qayta sanaladi va kassadagi boshqa boyliklar tekshiriladi. Kassa inventarizatsiyasi «Inventarizatsiyani tashkil etish va o’tkazish» nomli 19son BHMAga binoan har oyda o’tkaziladi.
Inventarizatsiya natijalari inv.15-shakldagi dalolatnoma bilan rasmiylashtiriladi. Bunda kassadagi naqd pulning amaldagi qoldig’i hisobga olish ma’lumotlari bilan taqqoslanadi, bu esa pul mablag’lari kamomadini yoki ortiqchaligini aniqlashga imkon beradi. Dalolatnoma kassa taftish qilingan kuni rasmiylashtirilishi va komissiya a’zolari tomonidan imzolanishi lozim.
Dalolatnoma ikki nusxada tuziladi: bir nusxasi inventarizatsiya komissiyasi papkasida qoladi, ikkinchisi korxona buxgalteriyasida saqlanadi. Agar kamomad yoki ortiqchalik mavjudligi aniqlansa, komissiya kassirdan yozma tushuntirish xati talab qilishi lozim.
Inventarizatsiya natijalari o’z vaqtida buxgalteriya hisobvaraqlarida aks ettiriladi:

• 
  ortiqcha pullar chiqqanda, ushbu summa kassaga qaytadan kirim qilinadi:
  

D-t 5010-«Milliy valyutadagi pul mablag’lari»
K-t 9390-«Boshqa muomalaviy daromadlar».

• 
  kamomad aniqlanganida:
  

D-t 4730-«Moddiy zararni qoplash yuzasidan xodimlarning qarzi»
K-t 5010-«Milliy valyutadagi pul mablag’lari».

• 
  kamomad summasini kassir bevosita kassaga to’laganida:
  

D-t 5010-«Milliy valyutadagi pul mablag’lari»
K-t 4730-«Moddiy zararni qoplash yuzasidan xodimlarning qarzi».

• 
  kamomad summasi kassirning ish haqidan ushlab qolinganida:
  

D-t 6710-«Xodimlar bilan mehnat haqi yuzasidan hisoblashishlar»
K-t 4730-«Moddiy zararni qoplash yuzasidan xodimlarning qarzi».