Microsoft Word mulki huquq doc

də xüsusi olaraq bu müqavilələrə həsr olunan qaydalar tətbiq edilir. Bu xüsusi qaydalar əsasında hər bir 

---

 

451

müqavilə növündə tərəf kimi çıxış edən subyektlərin hüquq və vəzifələrini müəyyən etmək mümkün olur. 

5. Sahibkarlıq fəaliyyəti əlamətinə (meyarına) görə alqı-satqı müqaviləsinin növləri 

Alqı-satqı  müqaviləsinin  sosial-iqtisadi  məqsədi  həm  sahibkarlıq  fəaliyyəti  ilə,  həm  də  sahibkarlıqla 

bağlı olmayan fəaliyyətlə şərtlənə bilər. Bu baxımdan alqı-satqı müqaviləsinin iki növü fərqləndirilir: sahib-

karlıq alqı-satqı müqavilələri; qeyri-sahibkarlıq alqı-satqı müqavilələri. Bu cür təsnifat müqavilədə tərəf kimi 

çıxış edən subyekt tərkibi və alqı-satqının sosial-iqtisadi məqsədi kimi iki meyara əsaslanır. 

Sahibkarlıq alqı-satqı müqaviləsi odur ki, bu müqavilədə ya tərəflərin hər ikisi, ya da ki, heç olmazsa biri, 

sahibkar statusuna malik olur və yaxud alqı-satqının sosial-iqtisadi məqsədi sahibkarlıq fəaliyyətinin həyata ke-

çirilməsi ilə şərtlənir. Bu cür müqavilələrdə bütün hallarda satıcı rolunda sahibkarlar çıxış edirlər. Sahibkar 

dedikdə həm fiziki, həm də hüquqi şəxslər başa düşülür. Bu müqavilədə tərəf kimi alıcının iştirak etməsinə gəl-

dikdə isə onu demək olar ki, bir qayda olaraq, əksər hallarda burada alıcı sahibkar statusuna malik olur.  stisna