Microsoft Word mulki huquq doc

Dövlət satınalmaları müqaviləsi xüsusi xarakterli müqavilə növüdür. Bu müqavilə ilə bağlı münasibətlər 

«Dövlət satınalmaları haqqında» qanunla (2001) tənzimlənir. Dövlət satınalma müqaviləsi elə bir sənəddir ki, 

bu  sənəd  satınalan  təşkilatla  tender  qalibi  (qalibləri)  arasında  yaranan  münasibətləri  rəsmiləşdirir  və  malların 

---

 

430

(işlərin və xidmətlərin) satınalınması ilə əlaqədar tərəflərin öhdəliklərini müəyyənləşdirir. 

Almaniya mülki hüququnda da mülki-hüquqi müqavilələrin təsnifinə xüsusi əhəmiyyət verilir. Hər şeydən 

ə

vvəl,  mülki-hüquqi  müqavilələr  bölünür:  Veräusserungsverträge  (əmlakın  qəti  olaraq  verilməsinə  yönələn 

müqavilələrə), yəni Kaufvertrag (alqı-satqı müqaviləsinə), Tausch (dəyişmə müqaviləsinə), Schenkung (bağış-

lama  müqaviləsinə);  Gebrauchsüberlassungen  (istifadəyə  vermək  müqavilələrinə),  yəni  Mietvertrag  (kirayə 

müqaviləsinə), Pacht (icarə müqaviləsinə), Darlehen (borc müqaviləsinə), Leihe (əvəzsiz ssuda müqaviləsinə), 

Lising (lizinq müqaviləsinə); Verträge über Tatigkeit (fəaliyyət haqqında müqavilələrə),  yəni Dienstvertrag 

(əmək müqaviləsinə), Werkvertrag (podrat müqaviləsinə), Reisevertrag (turist xidməti haqqında müqaviləyə), 

Auftrag (tapşırıq müqaviləsinə), Maklervertrag (makler müqaviləsinə), Verwahring (saxlanc müqaviləsinə) və 

s. 

Professor Q.Y.Muselyak predmetinə görə müqavilələri dörd qrupa bölür: öhdəlik müqavilələri; əşya müqavilə-

ləri;  ailə-nikah  müqavilələri;  vərəsəlik  müqavilələri.  H.Haynriks  birtərəfli  məjburediji  (bağışlama,  zaminlik)  və 

natamam ikitərəfli məjburediji (alqı-satqı, icarə) və s. müqavilə növlərini fərqləndirir. 

Almaniya mülki hüququnda «diktə olunan müqavilə» (diktierter Vertrag) adlı xüsusi müqavilə növü fərq-

ləndirilir. Bu müqavilə növünü qoşulma müqaviləsi və ya standart müqavilə (nümunəvi müqavilə) ilə qarışdır-

maq olmaz. Diktə olunan müqavilə dedikdə, elə bir müqavilə növü başa düşülür ki, həmin müqavilə hakimiyyət 

orqanının göstərişi əsasında məcburi surətdə bağlanılır. Məsələn, ər-arvadın hər ikisinin adına bağlanmış kirayə 

müqaviləsi boşanma zamanı məhkəmə qərarı əsasında məcburi surətdə  yalnız onlardan birinin adına  yenidən 

bağlanır. 

Yaponiya mülki hüququ da müqavilələri müxtəlif növlərə bölür: ikitərəfli və birtərəfli müqavilələrə; əvəzli 

və əvəzsiz müqavilələrə; real və konsensual müqavilələrə; adlı (tipik), adsız (qeyri-tipik) və qarışıq müqavilələ-

rə.