Microsoft Word navoiy saddi iskandariy nazm lotin ziyouz com doc

www.ziyouz.com
kutubxonasi 
431
Ichi g‘unchadek tah-batah qon bo‘lub, 
Vale xalq aro og‘zi xandon bo‘lub. 
Ne hukmi qazog‘a bo‘lub nosipos, 
Ne Haq lutfu judig‘a haqnoshinos. 
Demas so‘z tiliga murur etmayin, 
Xayolig‘a balkim xutur etmayin 
Ki, Haq ortug‘ etsun bu iqbolini, 
Humoyun qilib har nafas folini». 
Chu hush ahli Bonu g‘amin so‘rdilar, 
Dimog‘ini hushig‘a kelturdilar. 
Qilib xotiroso fusunu dami, 
Nihon yoralarg‘a qo‘yub marhami. 
Aning bo‘yla marham topib yorasi, 
O‘ziga kelib hushi ovorasi. 
Alar uzrig‘a bo‘ldi afsonasanj, 
Yeti kon uza bir buzug‘ to‘kti ganj
11
. 
Ki: «Mendin bu motam erur sizga ko‘b, 
Skandar g‘ami bordurur sizga jo‘b 
Ki, holoti sizlarga ma’lum edi, 
Kamoloti sizlarga mafhum edi. 
Safar ichra siz erdingiz yor anga, 
Hazar ichra siz yoru g‘amxor anga. 
Demasmenki, ul bor edi shohingiz, 
Rafiq erdi andoqki dilxohingiz. 
Baringiz anga oshkoru nihon, 
Ko‘p ortug‘roq erdiki iki jahon. 
Chu ul yoringiz bordi, g‘amginmusiz, 
Aning hajrida motamoyinmusiz 
Ki, Haq bu g‘amingizni raf’ aylagay, 
Qatig‘ motamingizni daf’ aylagay. 
Skandardin ar borchamiz fardbiz, 
Vale bir-birimizga hamdardbiz. 

---

Alisher Navoiy. Saddi Iskandariy 
www.ziyouz.com
kutubxonasi 
432
Bu ish bo‘lg‘ali qilmadim so‘z havas, 
Takallum qilib urmadim bir nafas. 
Dedim umrdin to tanim topsa qut, 
Qo‘yay so‘zdin og‘zimg‘a muhri sukut. 
Chu sizdin ayon bo‘ldi hamdardliq, 
Yemas yaxshi hamdarddin fardliq. 
Meni soldingiz so‘zga beixtiyor 
Ki, hamdard o‘lub so‘zga ne ixtiyor». 
LXXXII
Ul ilgi kesilganning hikoyatikim, qo‘lig‘a tuhmat tig‘i dastburd ko‘rguzdi v aul hamdardlarig‘a 
yetgach, dastandozlig‘ bila navha tuzdi 
Eshittimki, bor erdi bir notavon, 
Falak zulmidin qismi ranju havon. 
Yana dast berdi ajab shiddate, 
Qo‘lin kestilar aylabon tuhmate. 
Chu bu zulm anga o‘tti, dam urmayin, 
Nafas el bila beshu kam urmayin. 
Kesuk ilgin oldi butun qo‘lg‘a, bot 
Yugurdi xaloyiqqa beiltifot. 
Bu ishtin bo‘lub voqif ahli dile, 
Yerishti ichiga tushub mushkile. 
Yiroqdin qilur erdi hamrohliq 
Ki, ul ramzdin topqay ogohliq. 
Chu mazlum chiqti ulusdin qiroq 
Ki, chiqmoq ulusdin qiroq yaxshiroq. 
Borur erdi andoqki devonae 
Ki, nogah padid o‘ldi vayronae. 
Bor erdi buzuqta necha dardmand, 
Qo‘li barchaning bo‘yla topqon gazand. 
Alar ollig‘a yetgach ul siynaresh, 
Degaysenki bag‘rig‘a sonchildi nesh. 

---

Alisher Navoiy. Saddi Iskandariy 
www.ziyouz.com
kutubxonasi 
433
Kesuk ilgini tashlabon, chekti voy, 
Alar ichra ham tushti ko‘p hoy-hoy. 
Quchub bir-birin mojaro qildilar 
Ki, olam fazosin qaro qildilar. 
Kamin aylagan ko‘rgach ul sozni, 
Tafarrus bila bildi ul rozni. 
Ki mazlum eldin tilab fardliq, 
Chekib keldi ul elga hamdardliq. 
Kishi topsa hamdardini nogahon, 
Ne imkon nihon dardi qolmoq nihong‘