Microsoft Word sahih buhari1 ziyouz com doc

8-bob. Hayz ko'rgan hotin e'tikofda o'tirgan erini sochini tarashi mumkin. 
Oisha raziyallohu anho: «Nabiy sallallohu alayhi va sallam masjidda e’tikofda o‘tirgan 
kunlari muborak boshlarini darchadan chiqarar erdilar, men hayz ko‘rgan bo‘lsam ham, 
sochlarini tarab qo‘yardim»,- deydilar 
9-bob. E'tikofda o'tirgan kishi uyiga juda zarur bo'lganda kiradir.. 
Oisha raziyallohu anho: «Rasululloh sallallohu alayhi va sallam masjiddan chiqmay 
boshlarini darchadan chiqarar erdilar, men sochlarini tarab qo‘yardim. E’tikofda bo‘lsalar, 
uyga hech kirmas erdilar, faqat zarur bo‘lsagina kirar erdilar»,- deydilar. 
10-bob. E'tikofda o'tirgan kishini yuvinmog'i haqida. 
Oisha raziyallohu anho: «Nabiy sallallohu alayhi va sallam hayz ko‘rgan bo‘lsam ham 
meni quchoqlar erdilar. E’tikofda o‘tirgan kunlari boshlarini darchadan chiqarar erdilar, 
men hayz ko‘rgan bo‘lsam ham yuvib qo‘yardim»,- deydilar. 
11-bob. Kechasi e'tikofda o'tirmoq haqida. 
Ibn Umar raziyallohu anhu rivoyat qiladirlar: «Hazrat Umar Nabiy sallallohu alayhi va 
sallamga: «Men johiliya davrida bir kecha Masjid ul-Haromda e’tikof qilurmen, deb niyat 
aylagan erdim» ,— dedilar. Janob Rasululloh: «Niyatingga vafo qilg‘il!»-dedilar». 
12-bob. Ayollarni e'tikofda o'tirmog'i haqida 
Oisha raziyallohu anho rivoyat qiladirlar: «Nabiy sallallohu alayhi va sallam 
Ramazonning oxirgi o‘n kunligida e’tikofda o‘tirar erdilar. Janob Rasululloh mening uchun 
masjid sahnida chodir tutib bergan erdilar, bomdoddan so‘ng oldimga kirardilar. Janob 
Rasulullohning boshqa zaifalari - Hafsa mendan o‘ziga chodir tutib olmoqqa ruxsat so‘rab 
erdi, ruxsat berdim, chodir tutib oldi. Buni ko‘rgan Zaynab binti Jahsh (Rasulullohning 

---

Sahihi Buxoriy. 1-jild. Imom Ismoil al-Buxoriy 
www.ziyouz.com kutubxonasi 
401
xotinlaridan biri) ham o‘ziga chodir qurib oldi. Ertasiga ertalab Janob Rasululloh 
chodirlarni ko‘rib: «Bu nesidir?»-dedilar. «Xotinlaringizning chodiri»,- deyishdi. Nabiy 
sallallohu alayhi va sallam: «Ular yaxshi ish qilishibdir, deb o‘ylaysizlarmi?»- dedilar. 
Shundan so‘ng, Janob Rasululloh o‘sha oydagi e’tikofni tark etdilar. Buning evaziga 
Shavvol oyida o‘n kun e’tikof qildilar».