Abdulla Oripov. Tanlangan asarlar. 2-jild. She'rlar
www.ziyouz.com kutubxonasi
128
Olibmiz Birinchi Prezidentdan!
1998
TUSHMASIN U yiroq tog‘larga qor tushsa tushsin,
Sening bog‘laringga zinhor tushmasin
O’rtaga ayriliq, zor tushsa tushsin,
Va lekin hech qachon ag‘yor tushmasin.
Men sekin kuzatdim shitob dunyoni,
Nechog‘ omonatdir odamzot joni.
Qo‘ling endi oshga yetgani oni,
Boshingga nogahon cho‘qmor tushmasin.
Birov tinglamasa suxan ne kerak,
Har kimga buyursin sirdosh bir yurak
Agarda bor bo‘lsa sodiq do‘st-tirgak,
Oraga to‘g‘anoq - devor tushmasin.
Uchragay dunyoda turfa xil armon,
Gohi g‘olibdirsan, goh mag‘lub, nolon.
Ko‘nikkay bariga hayotda inson,
Lekin g‘am ustma-ust, takror tushmasi
Tepangda bor ekan Parvardigoring,
Magarki elu yurt nomus va oring.
Vatanni kuylamak bo‘lsa shioring.
Dilingga boshqa hech qaror tushmasin.
1998
