Sosial Psixologiya - Mühazirələr (az) 100521161548 051021211057-1
Dr.Musa’s Library Facebook/Psixologiya Kitabları 74
тяшяккцл тапдыьы щалда идеолоэийа башлыъа олараг идеологларын хцсуси сяйлярини тяляб
едян шцурлу фяалиййятин мящсулу кими мейдана чыхыр.
Böyük qrupların sosial-psixoloji inkişafı qrup eyniyyəti və həmrəyliyi kimi
mühüm keyfiyyətlərin formalaşması ilə bilavasitə bağlıdır. Hər hansı bir böyük qrup
əvvəlcə tipoloji qrup kimi yaranmağa başlayır. Bu zaman qrupun üzvləri mahiyyət
etibarilə sosial-psixoloji vəhdət təşkil etmirlər və qrup fərdlərinin ədədi məcmusu kimi
formalaşır. Lakin tədricən qrup üzvləri özlərinin müvafiq böyük qrupa mənsub
olduqlarını dərk edir və şüurlu surətdə öz qrupunu başqa qruplardan ayırır; qrup mənlik
şüuru əmələ gəlir ki, onun da səviyyəsi qrup üzvlərinin “biz” və “onlar” haqqındakı
təsəvvürlərində əks olunur. Qrup eyniyyəti zəminində isə tədricən qrup həmrəyliyi hissi
formalaşır. Qrup eyniyyəti və həmrəyliyi hisslərinin təşəkkülü böyük qrupların inkişaf
səviyyəsini göstərən mühüm sosioloji parametrlərdir.
Böyük qrupların psixologiyası, ilk növbədə, ictimai psixologiyadır. Insanların
sosial həyat şəraiti, onların gündəlik fəaliyyəti və güzaran təcrübəsi insan psixikasında
hisslər, fikirlər, arzular, adət və vərdişlər səviyyəsində əks olunur. Ictimai psixologiya dedikdə, adətən, bu cəhətləri nəzərdə tuturlar.
