Sosial Psixologiya - Mühazirələr (az) 100521161548 051021211057-1
Ümumiləşdirmənin iki növünü fərqləndirirlər.
1. Bir halda eksperimental situasiyanın özü ümumiləşdirilir və onun xüsusiyyətləri
həyatda təsadüf olunan oxşar situasiyalara şamil edilir. Belə ümumiləşdirməyə situaitiv ümumiləşdirmə deyirlər.
2. Eksperimentdə iştirak edən şəxslərin davranışının xüsusiyyətləri ümumiləşdirilir və
onların kökündə bütünlüklə insan davranışının xüsusiyyətləri açıqlanır. Belə ümumiləşdirməyə
insanlara tətbiq edilən ümumiləşdirmə deyilir.
Görəsən bu ümumiləşdirmələr nə dərəcədə əsaslıdır? Bakıda aparılmış eksperiment
Gəncə şəraitində yeni adamların iştirakı ilə təkrar olunur. Əgər nəticə eyni ilə alınırsa, bu
eksperimental ümumiləşdirmələrin əsaslı olduğunu təsdiq edir.
Metaanaliz adlanan xüsusi statistik texnika mövcuddur. Onun vasitəsilə iki və daha çox
tədqiqatın nəticələri qiymətləndirilir və asılı olmayan kəmiyyətin dayanıqlığı yoxlanılır.
