Sosial Psixologiya - Mühazirələr (az) 100521161548 051021211057-1
Dr.Musa’s Library Facebook/Psixologiya Kitabları 43
Müasir təsəvvürlərə görə, gözləmə səviyyəsi – insanın əldə etmək istədiyi nəticə
(məqsəd) ilə müəyyən olunur. Halbuki iddia səviyyəsi insanın əldə etdiyi nəticəyə
münasibətində ifadə olunur. O, əldə etdiyi nəticəni bəyənir, yoxsa bəyənmir, nəticə onu
təmin edir, yoxsa etmir – iddia səviyyəsini bu suallarla xarakterizə etmək olar.
Müəyyən edilmişdir ki, eksperiment zamanı adamların əldə etdiklri nəticə öz-
özlüyündə hələ müvəffəqiyyət və ya uğursuzluq kimi nəzərdən keçiril bilməz. Hər hansı
bir adamın özü haqqındakı təsəvvürlərindən, özünə verdiyi qiymətlərdən və s. asılı
olaraq bu və ya digər nəticə müvəffəqiyyət və ya uğursuzluq kimi qiymətləndirilir.
Misal: Bir maraqlı faktı da ayrıca qeyd etmək lazımdır. Eksperimental surətdə
müəyyən olunmuşdur ki, insan müvəffəqiyyət əldə etdikcə onun iddia səviyyəsi yüksəlir,
uğursuzluqdan sonra isə iddia səviyyəsi aşağı düşür.
İnsanın iddia səviyyəsinin yüksək və ya aşağı olması, bir tərəfdən onun özü
haqqındakı təsəvvürlərində, digər tərəfdən isə başqa adamlara münasibətində əks
olunur.
Kiçik yaşlarından başlayaraq uşaq və yeniyetmələrdə öz uğurlarına düzgün
münasibət yaratmaq iddia səviyyəsini tənzim etməyin başlıca yoludur.
