«Mikroiqtisodiyot» fanining mazkur uslubiy ko`rsatmasi O`zbekiston

Kurs ishining maqsadi va vazifalari 
Kurs ishining maqsadi - talabani nazariy va amaliy tayyorgarligini aniqlash, 
uning fikrlash qobiliyatini va olingan bilimlarining chuqurligini va sifatini 
belgilash hisoblanadi.
Kurs ishining maqsadidan kelib chiqadigan asosiy vazifalar quyidagilardan 
iborat:
- mustaqil ravishda tanlangan kurs ishi mavzusi bo`yicha mavjud iqtisodiy 
muammolar mohiyatini nazariy va amaliy asoslash va mazmunli yoritilishi;
- mikroiqtisodiyot qonun-qoidalarini, iqtisodiy hodisa va jarayonlar 
mazmunini yanada teran va chuqur mantiqiy mushohada qilishi;
- milliy istiqlol g`oyasi va milliy mafkuraning asosiy qoidalarini hamda 
iqtisodiyotni erkinlashtirish va islohotlarni chuqurlashtirish asosida hozirgi zamon 
rivojlangan bozor iqtisodiyotini dolzarb muammolarini bartaraf etishni singdirish;
- iqtisodiyot va iqtisodiy munosabatlar to`g`risida amaliy ko`nikmalarni hosil 
qilish;
- O`zbekiston Respublikasining milliy iqtisodiyoti hamda yortimizdagi 
ijtimoiy-iqtisodiy munosabatlarni tartibga solishga qaratilgan, amaldagi me`yeriy-
huquqiy asoslar (Konstititsiya, Qonunlar, Kodekslar, qaror, farmon va boshqalar) 
ni, Prezidentimiz asarlari, ma`ruza va chiqishlarini, milliy, xalqaro va boshqa 
doiralardagi tegishli statistik ko`rsarkichlar va axborotlarni o`rganish;
- internet va statistik ma`lumotlar, hisobotlar va hujjatlarni iqtisodiy tahlil 
qilish;
- ishlab chiqarish va xizmat ko`rsatish samaradorligini oshirishga qaratilgan 
yo`l-yo`riq, xulosalar va ko`rsatmalarni ishlab chiqish.
Kurs ishini bajarish jarayoni o`quv jarayonining ajralmas qismi bo`lgani 
uchun uni to`g`ri tashkil etish, yoritilayotgan mavzuning sifatli bayon etilishiga 
ta`sir ko`rsatadi. SHuning uchun kurs ishini bajarish davomida talaba o`z 
mehnatini quyidagi bosqichlar bo`yicha to`g`ri va samarali taqsimlashi katta 
ahamiyatga ega:
- kurs ishi mavzusini tanlash;

---

- axborot uslubiy tahminoti (adabiyotlar, internet) ma`lumotlarini yig`ish va 
ularni o`rganish;
- kurs ishi mavzusi rejasini tuzish;
- mavzuga oid turli ma`lumotlar to`plash va qayta ishlash;
- kurs ishini matnini yozish;
- kurs ishini rasmiylashtirish;
- kurs ishi himoyasi.
Kurs ishini bajarishda talaba o`z ustida mustaqil ishlashi bilan bir qatorda 
kurs ishi rahbarlari bilan zarur bo`lgan holatlarda maslahatlashishi va tegishli 
ko`rsatmalar asosida faoliyat ko`rsatishi zarur.