Milliy tiklanish

4.1. Aholining ijtimoiy ehtiyojlarini qondirish, 
turmush sifatini oshirish sohasida:
odamlarning turmush tarzi, birinchi navbatda, 
qishloq aholisi obodligi va farovonligini ta’minlash, ularning 
turmush madaniyatini oshirish;
rivojlanishning ustuvor sohasi sifatida uy­joy qurilishi 
va infratuzilmani qo‘llab­quvvatlash, yosh oilalarga qulay, 
uzoq muddatli ipoteka kreditlari ajratilishi, ular uchun uy­joy 
qurilishiga doir davlat dasturi bajarilishining bundan keyin 
ham tizimli ravishda davom ettirilishiga ko‘maklashish;
qurilish va bezak ishlarida eng yaxshi xorijiy tajriba 
va milliy me’morchilik an’analarini uyg‘unlashtirish, tarixiy 
shaharlarni qayta ta’mirlashga qaratilgan yirik loyihalarni 
amalga oshirish;
yo‘lovchilarga, jumladan, mamlakatimizning olis va 
yetib borish qiyin bo‘lgan joylari aholisiga transport xizmati 
tizimini yaxshilash;
aholining elektorat qismi bandligi, birinchi navbatda, 
xotin­qizlar va yoshlar o‘rtasida hunarmandchilik, oilaviy 
tadbirkorlik, kasanachilikni rivojlantirish evaziga ularni 
ish bilan ta’minlashni kengaytirishga qaratilgan tashkiliy­
huquqiy shart­sharoitlarni yaratish;
xalq tabobatini rivojlantirishning istiqbolli rejalarini 
ishlab chiqish hamda uni zamonaviy tibbiyot darajasiga 
yetkazishga qaratilgan tashkiliy­huquqiy choralarni ko‘rish;
dori­darmon vositalari bilan savdo qilish tizimini 
tubdan isloh etish, sifatini oshirish va narxini kamaytirish, 

---

31
O‘ZBEKISTON «MILLIY TIKLANISH» DEMOKRATIK PARTIYASI
jumladan, davlat tibbiyot muassasalariga dori­darmon 
vositalarini sotuvchi tomonidan har qanday tadbirkorlik 
subyekti emas, balki o‘sha mahsulotni ishlab chiqaruvchi 
yoki ishlab chiqaruvchining vakili bo‘lishi shartligini qonuniy 
mustahkamlash;
tibbiyot hamda farmatsevtika sohasini tubdan isloh 
qilish, sog‘liqni saqlashda tibbiy profilaktikaning o‘rnini 
oshirib borish, shu jumladan, aholining tibbiy madaniyatini 
oshirish bo‘yicha islohotlarni jadallashtirish;
tibbiyotning birlamchi profilaktika tizimini yanada 
rivojlantirish, bunda birlamchi profilaktika tizimida xizmat 
ko‘rsatadigan xodimlarning moddiy manfaatdorligini 
oshirish, ijtimoiy himoyasini kuchaytirish;
madaniyat muassasalari, “Barkamol avlod” bolalar 
markazlari, musiqa va san’at maktablari, shu jumladan, 
olis va borish qiyin bo‘lgan qishloq joylarni rivojlantirish 
uchun budjetdan mablag‘ ajratishni ko‘paytirish;
jismonan va ruhan sog‘lom yosh avlodni tarbiyalab 
voyaga yetkazish, bolalar va yoshlarning keng ko‘lamda 
sport bilan muntazam shug‘ullanishi uchun qulay shart­
sharoitlar yaratish, shuningdek, maktab o‘quvchilarining 
xalqaro musobaqalarda ishtirok etishiga ko‘maklashish, 
milliy sport turlarini qayta tiklash;
ijtimoiy xizmatlar,
 
jumladan, kommunal xizmatlar 
uchun toifalashgan va individual to‘lovlar tizimini tashabbus 
qilish, ya’ni to‘lovchining to‘lov qobiliyati, kasbi va ijtimoiy 
ahvolidan kelib chiqishga asoslangan qoidalarni joriy etish;
aniq va tabiiy fanlarni chuqur o‘rgatishga ixtisos­
lashtirilgan maktablarni yanada ko‘paytirish, ularda ta’lim 
olayotgan o‘quvchilarning xalqaro fan olimpiadalarida 
muvaffaqiyatli ishtirok etishini qo‘llab­quvvatlash.

---

32