6-tema: Islep shıǵarıwda shawqım hám titirkeniw.
1 Shawqımnıń klassları hám onı normalastırıw.
2 Shawqımǵa qarsı gúresıw usılları.
3 İnfra hám ultra ses tolqınları tásirinen saqlanıw.
Túrli bálentliktegi hám chastotadaǵı seslerdiń tártipsiz ráwishte qosılıp esitilıwı shawqım dep ataladı. Ses fizikalıq jaǵday sıpatında hawada, suwda hám basqa ortalıqtan kelip shıǵatuǵın tolqın tárizli háreketlerden ibarat. Ol ses shıǵaratuǵın denelerdiń terbelisi nátiyjesinde payda boladı hám biziń esitıw organımız tárepinen qabıl etiledi. Shawqım kásiplik kesellikke alıp kelıwı múmkin. Ol bastı aylandırıp, miyde awırıw payda etedi hám qulaq shıńlap nerv sistemasına da jaman tásir etedi. Ásirese pikir toplap, aqıl miyneti menen shuǵıllanıwǵa imkaniyat bermeydi. Pútin dıqqat-itibardı berip islew kerek bolsa, jumıs qábiletin (10-60 %) ke páseytip jeberıwı múmkin. Uzaq waqıt dawamında shawqımnıń adamǵa sezilmes dárejede tásir etıwı nerv sistemasınıń isten shıǵıwına alıp kelıwı múmkin. Ásirese qattı hám kúshli sesler, sonday-aq toqtawsız ráwishte bir túrde shıǵıp turatuǵın dawıslar da adamǵa jaman tásir etedi.
Shawqım tásirinde túrli aǵzalar hám sistemalardıń, máselen as sińırıw (asqazan shiresi sekretsiyasınıń ózgerıwı) qan aylanısı (qan basımınıń kóterilıwı) hám soǵan uqsaǵanlardıń normal xızmeti buzıladı.
Dostları ilə paylaş: |
