Montessori pedagogikasi

Syujetli-rolli o‘yin markazida kastyumlar va boshqa predmetlar bo‘lishi, ular bolalarni atroflarida kuzatayotgan voqea-xodisa yoki narsalarni o‘yinga aylantirishga yordam beradi. O‘zlari yashab turgan dunyoni tushunishda u yoki bu rollarni o‘ynab voqea xodisalarni sinab ko‘rishlarida ko‘maklashishi lozim. Bunga predmetlar to‘plami murabbiylar tomonidan tanlanadi hamda vaqti-vaqti bilan yangilanib turilishi lozim. Masalan: Bir xafta davomida kir yuvish bilan bog‘liq bo‘lgan buyumlar bo‘lishi. Keyingi haftada esa kosmonavt yoki sirkchi bo‘lib o‘ynash uchun kerakli predmetlar bilan almashtirilishi mumkin.
Stol usti o‘yinlari va o‘yinchoqlari markazi- bolalar qismlarga ajratib qayta yig‘ishlari mumkin bo‘lgan o‘yinchoqlar, boshqotirmalar, mayda detalli konstuktorlar, boshqa qurilish o‘yinchoqlar, boshqotirmalar, mayda detalli konstruktorlar va boshqa qurilish o‘yinchoqlari. Bu erda shuningdek buyumlarni tanlash, moslash, hisoblash va toifaga ajratishda, o‘z o‘yinlarini o‘ylab topishda til amaliyotini o‘tishda bolalarga yordam beradigan o‘yinlar ham bo‘lishi kerak. Bu markazdagi mashg‘ulotlar intellektual ko‘nikmalar, nozik harakatlar, ko‘z bilan chamalash rivojlanishiga ko‘maklashadi. Bundan tashqari ijtimoiy ko‘nikmalar xosil qilinadi, chunki bolalarga materialni bo‘lishib olishga, kelishishga va turli muammolarni birgalikda hal qilishga to‘g‘ri keladi.


Qurilish markazida bolalar tasavvur bilan yaratilgan binolarni tiklash uchun turli hajm va shakldagi bloklar yoki turar joy binolari, fermalar, hayvonot bog‘lari va boshqalar singari tanish inshootlardan nusxa oluvchi konstruksiyalar bo‘lishi lozim. Bolalar qurilish bilan shug‘ullanar ekanlar, ko‘p narsaga ega bo‘ladilar. Intellektual va matematik bilimlari boyiydi, ijtimoiy ko‘nikma xosil bo‘ladi, muammolarni hal etish va diqqatni jamlash qobiliyati rivojlanadi, ijodiy salohiyat ishga tushadi. Bu markazga qo‘shimcha tarzda xilma-xil buyumlar – mashinalar, yuk mashinalari, hayvonlar va odamlar shakllari, aeroplpnlar, binoni qoplash materiallari – konstuksiyani boyitish uchun bolaning fikriga kelgan barcha narsa iritilishi mumkin.