Şizoid istiqaməti. Belə aksentuasiyalı insanlara qeyri-rəsmi münasibətlərdə qorxu xasdır. Onlarda empatiya yoxdur, öz daxili aləmləri ilə münasibətləri üksəkdir, gərgindirlər. Şizoidlərin mimikası ifadəsizdir, emosionallıqları yüksək deyil.
Psixoasteniklər, senzitivlər. Psixoastenikləri ünsiyyət sferasında intuisiya, səmimilik, nitqin dəqiqliyi, qapalılıq fərqləndirilir. Onlarda tez-tez əhval-ruhiyyənin tündlüyü, tərəddü, autistliyə meyllilik, enerjinin çatmaması, bununla belə daimi məşğulluq və istirahət etmə bacarığı, əzizlərinə möhkəm bağlılıq, natamamlıq kompleksi müşahidə olunur.
Senzitivlər- tək qalmaqdan qorxan, qohumlarına bağlı olan, yaxın dostlarını sevən utancaq insanlardır. Onlara yüksək intuisiya və natamamlıq hissi xasdır. Tez küsəndirlər, enerjiləri kifayət qədər deyil, lakin məsuliyyətli, qiymətləndirilməyə həssasdırlar. Onların suisidial fikirləri də olur. Senzitiv tipə hərdən şizoid tipinin hər variantı kimi də baxırlar.
