Quba-Xaçmaz iqtisadi rayonu. Region Azərbaycanın şimal-şərq hissəsində
yerləşir, Rusiya Federasiyası, Şəki-Zaqatala, Dağlıq Şirvan, Abşeron iqtisadi
rayonları ilə həmsərhəddir. Təqribən, 200 km-ə qədər ərazi Xəzər dəniz sahilidir.
Regionun ümumi sahəsi 6,96 kv km olmaqla ölkə ərazisinin 8,8%-ni, əhalisi isə
453,1 min nəfər olmaqla ölkə əhalisinin 5,6%-ni təşkil edir. Bunun 32%-i
şəhərlərdə, 68%-i isə kənd yaşayış məntəqələrində yaşayır.
Quba-Xaçmaz regionunun əsas təbii sərvətləri təbii qaz-neft, yanar şist, qum,
çınqıl və gildir. Bu sərvətlərdən istifadə etməklə fəaliyyət göstərən ağır sənaye
sahəsinə Siyəzənin neft-qaz hasilatı, Quba elektrotexnika zavodu. Xaçmaz qara
metal qırıntıları emah sexi daxildir.
Quba-Xaçmaz iqtisadi rayonunun iqtisadiyyatında aqrar-sənaye kompleksi,
xüsusən kənd təsərrüfatı aparıcı yer tutur. Regionun kənd təsərrüfatında əsas yeri
tərəvəz və meyvə istehsalı tutur. Respublikada istehsal olunan meyvə və
giləmeyvənin 27%-dən çoxu, tərəvəzin 20%-ə qədəri, taxılın 9%-ə qədəri, üzümün
10%-ə qədəri bu regionda istehsal olunur. Heyvandarlığın inkişafına görə də
seçilir. Belə ki, respublikada istehsal olunan ətin 7%-dən çoxu, südün 10%-ə
qədəri, yumurtanın 7%-ə qədəri bu regionda istehsal olunur.
