3.5.Regional siyasətin tədqiqi metodları və idarə edilməsi
Hər bir elm kimi regional siyasət də öz predmetini müəyyən metodların vasitəsilə
öyrənir. Metod yunanca «methodoc» sözündən olub, tədqiqat yolu deməkdir.
Tədqiqat metodu və ya dərketmə metodu bu, qoyulmuş məqsədə çatmaq üsuludur.
Dərketmə metodla rımn məcmuu real dünyanın bütün obyekt və hadisələrinin
qarşılıqlı təsir və inkişaf vəziyyətində hərtərəfli nəzərdən keçirməyə imkan verir.
İnsan davranışının əsasını ümumelmi metodlar təşkil edir. Bununla bərabər
elə xüsusi elmi, ixtisaslaşdırılmış metodlar da mövcuddur ki, onlar özlüyündə
gerçəkliyin dərk edilməsinin konkret üsul və metodlarını, vasitələrini təşkil edir.
Əgər birincilər bütün elmlərdə istifadə edilirsə, ikincilər konkret elm sahələrində
tətbiq olunur. Regional siyasətin elmi əsaslandırılması üçün dərketmənin həm
ümumelmi, həm də spesifik metodlarından istifadə olunur. İstifadə olunmuş
metodların məcmuu nə qədər genişdirsə, tədqiqat obyektinin və pred- metlərin dərk
edilməsi daha dərin olur və qəbul edilən qərar daha əsaslandırılmış olur.
Regional siyasətin əsas metodlarından biri müqayisəli coğrafi metoddur.
Tamamilə yeni bir yerdə olarkən, həmişə insan özünə tanış olan landşaftı yada salır
və onu yenicə gördüyü ilə müqayisə edir. Eyni cür hərəkəti o, həm də şəhər,
qəsəbə, təsərrüfat, arxitektura və s. xüsusiyyətlərinə tətbiq edir. Faktları toplayaraq
təhlil etməklə insan nəticələr çıxarır və intuisiyaya əsaslanan qərarlar qəbul edir.
Obyektləri tipləşdirən zaman başqa obyektlərlə müqayisə etmək üçün
etalonları seçmək imkanları yaranır. Bu müqayisəli-coğrafi metodun
müxtəlifliyidir -
