İnqilabın başlanması və müstəqillik əleyhinə mübarizə: 1848-ci ilin yazı və yayında İtaliyada proseslər açıq şəkildə vətənpərvərlik və antiAvstriya xarakteri almışdır. Buna da 1848-ci ilin fevral mart aylarında Fransada, Almanyada və xüsusəndə Avstriya imperiyasında baş vermiş inqilabi hadisələrin də təsiri çox olmuşdur
Vətənpərvərlərin Avstriya qarnizonu ilə bir neçə günlük mübarizəsindən sonra martın 23-də Venetsiya respublika elan olundu. Bir neçə ay blokadaya və dənizdən bombardımanlara məruz qalmasına baxmayaraq D. Maninanın rəhbərliyi ilə respublika uğrunda 1849-cu ilin avqust ayına dək vuruşdu. 5 günlük (18-23 mart, 1848-ci il) qəhrəmancasına çoxsaylı Avstriya qoşunlarına qarşı barikada döyüşlərindən sonra Milan əhalisi imperiya ordusunu şəhəri tərk etməyə məcbur etdi və müvəqqəti hökümət yarandı. Avstriya ordusunun İtaliyadan qovulması çağırışına Lambardiya və Venetsiya əhalisi də qoşuldu. Papa təbəəliyi də daxil olmaqla Mərkəzi İtaliya əhalisi Avstriya qarnizonun qovulmasına nail oldular.
