|
4.Hərəkətlərin obyektiv qeydə alınması.
Bu metod hərəkətlərin mexanikasını öyrənən zaman olduqca əlverişlidir. Hərəkətləri müxtəlif üsullarla qeydə almaq olar. Ən sadə üsullardan – ayaq ləpirlərinin kağızda qeyd edilməsi, ketaloqrafiya, pnevmoqrafiya və s. göstərmək olar. Ən dəqiq, əhəmiyyətli qeydlər müxtəlif fotoçəkilişlərin köməyi ilə aparılır.
Ayaq işlərini almaq üçün, qaçış və yerişdən əvvəl ayaq altında rəng çəkib döşəməyə salınmış kağız zolaq üzərində qaçmağı təklif edirlər.
Ketaloqrafiya – müxtəlif şaquli vəziyyətlərdə başın tərpənmə hərəkətlərinin qeydə alınmasıdır. Ketaloqrafiya həmçinin ümumi ağırlıq mərkəzinin dəyişməsini və s. müəyyən edir.
Pnevmoqrafiya – havanın sıxlığının köməyi ilə hərəkətin qeydə alınmasıdır. Bu metod əsasən tənəffüs hərəkətlərini öyrənən zaman istifadə olunur. Bunun üçün insanın gövdəsi ətrafında kəmər şəklinə 3 hava kamerası bərkidilir: döş xətti səviyyəsində - yuxarı döş qəfəs tənəffüsü qeyd etmək üçün, göbək səviyyəsinin aşağı döş tənəffüsünü qeyd etmək üçün, göbək səviyyəsi – qarın tənəffüsünün qeydi üçün. Bu hava kameraları rezin borular vasitəsilə təbillərlə kameraya birləşdirilir və beləliklə tənəffüs hərəkətləri kimoqrafda yazılır.
Dostları ilə paylaş: |
