|
Əllərdə mil durmaq. Əllərdə mil durmaq iki cür ola bilər: şaquli durmaq, bir qədər əyilməklə əllərdə mil durmaq.
Bu vəziyyətdə istinad meydançası kiçik olduğuna görə bədənin sabitlik dərəcəsi az olur. Bədənin ağırlıq mərkəzinin hündürlüyü istinada görə çox yüksək olur.
Əzələ işini aydınlaşdırmaq üçün ayrı – ayrı hissələrin müvazinət şətrlərini təhlil etmək lazımdır. Gördüyünüz kimi, pəncə nəli əzələlərlə və onun sinergistlərilə dartılır. Baldırın və ayağın ağırlıq xətti diz oynağından arxaya keçir və bu məsafə bud – çanaq oynağının açılma dərəcəsindən asılı olur. Tarazlaşma momentini dördbaşlı əzələlərin gərginləşmə miqdarı bud – çanaq oynağının açılma dərəcəsindən asılı olduğuna görə şaquli vəziyyətdə əllərdə mil duranda bu əzələnin işi az olur. Ona görə ki, baldırın ağırlıq xətti onurğanın mərkəzindən keçir. Bunu EMQ təsdiq edir. Bud – çanaq oynağına daha çox ağırlıq təsir edir. Bu hissələrin ümumi ağırlıq mərkəzi təxminən budun distal ucunda yerləşir. Onurğa sütununun bel hissəsinin oynaqlarına aşağı ətrafın və çanağın çəkisi təsir edir. Bunların ümumi ağırlıq mərkəzi bud – çanaq oynaqlarını birləşdirən xəttin üstündə yerləşir.
Dostları ilə paylaş: |
