Mühazirə materialları Bakı 2019 Mövzu 1

Mövzu 7 III kollokvium

Layihə menecmenti prosesi. Layihənin yekunu. Hesabatlar.

Mövzu üzrə alt suallar

• 
  Layihənin yekun mərhələsinin əsas xüsusiyyətləri hansılardır?
  
• 
  Layihənin yekun mərhələsinin prosedur və tədbirləri hansılardır?
  
• 
  Layihəyə təsir göstərə biləcək təşkilati proses aktivləri özündə nələri ehtiva edir?
  
• 
  Layihə nəticəsində yenilənən təşkilati proses aktivləri özündə nələri əhatə edir?
  

Layihənin gedişində mütəmadi olaraq inkişaf, monitorinq və əldə olunan nəticələr, habelə aparılan müxtəlif tədqiqatların nəticələri haqqında bir çox hesabatlar tərtib edilir. Komanda üzvləri həmin hesabatları daxili resurlar hesabına tərtib etməlidirlər, layihə ofisi isə hesabatın möhkəmləndirilməsi, saxlanması və paylanması üzrə kitabxana funksiyalarını yerinə yetirməklə yardım göstərə bilər. Layihənin yekunu və ya Layihə İdarəetmə Qruplarının bütün mərhələlərlə üzrə bütün tədbirləri yekunlaşdırmaq prosesidir. Layihə yekun mərhələsində layihə meneceri bütün proseslərin

başa çatdırılmasını və layihənin məqsədlərinə çatdığını təmin etmək üçün əvvəlki mərhələdə bağlanmış bütün məlumatları nəzərdən keçirməlidir. Eyni zamanda layihənin əhatə dairəsi layihənin idarə olunması planına uyğun olaraq qiymətləndirildikdən sonra layihə meneceri layihənin bağlanmasını nəzərdən keçirməzdən əvvəl prosesləri başa çatdırmaq üçün sənədləri nəzərdən keçirəcəkdir. Layihə başa çatmamaşdan əvvəl həyata keçirilən tədbirləri sənədləşdirmək üçün prosedurları da müəyyən edilir. Buraya layihənin lazım olan bütün tədbirləri, o cümlədən addım-addım metodologiyaları daxildir:

• 
  Mərhələ və ya layihə üçün tamamlama və ya çıxış meyarlarını təmin etmək üçün lazım olan tədbirlər;
  
• 
  Layihənin məhsullarını, xidmətlərini,nəticələrini növbəti mərhələdə və ya istehsal və əməliyyatlara ötürmək üçün lazım olan tədbirlər;
  

• 
  Layihə və ya mərhələlər üzrə qeydləri toplamaq, layihənin uğurunu və ya uğursuzluğunu yoxlamaq, öyrənilən dərsləri toplamaq və təşkilatın gələcək istifadəsi üçün layihə məlumatlarını arxivləşdirmək üçün lazım olan tədbirlər.