Mühazirə Məşğələnin planı: Antiseptiyanın növləri Aseptik üsulları

Hava və damcı infeksiyaları ilə mübarizə

Operasiya və sarğı otaqlarının havasında, xüsusulə iş gününün axırına doğru çoxlu miqdarda mikroorqanizmlər toplanır. Buna görə də hava və damcı infeksiyanın profilakasında operasiya blokunda davranış qaydalarına ciddi riayət etməyin böyük əhəmiyyəti vardır. Operasiya otağından kənarda istifadə etməmək şərti ilə maska taxmaq,daxil və xüsusi paltar geymək, iş vaxtı binanı təmiz saxlamaq və operasiyadan sonra onun havasını dəyişməklə, diqətli surətdə yuyub təmizləmək vacibdir. Operasiya və sarğı otaqlarını kvarslampası ilə şüalandırmaq (ultrabənövşəyi şüalarla şüalandırma) olduqca təsirlidir.

Əllərin operasiyaya hazırlanması. Əllərin dərisində daima çoxlu bakteriyalar olur. Əlləri sabun, şokta və isti su ilə yuyurlar. Əlləri yumaq üçün şotkalar steril olmalıdır. Şotkaları korsanq ilə götürüb, əllərini yuyan şəxsə verirlər. Əlcəkləri geydikdən sonra spirt ilə silirlər. Bütün sarğı materialı, hətta bilavasitə yaraya toxunmadıqda belə, sterilizə edilməlidir. Sterilizə avtoklav da xüsusi metal qutularda (bikslərdə) aparılır. Operasiya otağında arxadan bağlanan xalatlar geyilir.Onları avtoklarda, bikslərdə edirlər.

Cərrahi operasiyalar vaxtı toxumaları birləşdirmək üçün ipək sap, ketqut, at tükü, kapron, neylon saplar və bir sıra başqa materiallar tətbiq edilir. Tikiş materialının orqanizmin toxumalarında qalması və bu material pis sterilizə edildikdə infeksiya mənbəyi ola bilməsi ilə əlaqədar olaraq tikiş materialının sterilizə edilməsi xüsusi diqqət tələb edir. Alətləri şotka və sabunla yuduqdan sonra, məhlulun qaynaması vaxtından başlayaraq 20-30 dəqiqə ərzində 2%-li soda məhlulunda sterilizə edirlər. Belə alətləri 96⁰-li spitlə sterilizə edirlər. Belə alətlər 2 saat müddətində spirtdə qalmalıdır. Alətlər xüsusi sterili zatorlarda sterilizə edilir.

Rezin kateter və drenajları qaynatmaqla, avtoklarda ümumi qayda üzrə sterilizə etmək olar.

Operasiya sahəsinin hazırlanması. Müdaxiləyə başlamazdan qabaq operasiya sahəsinə 2 dəfə 5-10%-li yod tinkturu sürtür, sonra isə onu steril mələfə ilə ətraf sahələrindən ayırırlar. Yaraya tikişlər qoymazdan qabaq və sonra yaranın ətrafındak dəriyə yenidən yod sürtürlər. Yod dərini aşılamaqdan başqa, qırış və məsamələrin dərinliyinə keçərək, dezinfeksiyanın yaxşı olmasını təmin edir. Operasiya sahəsinin dərisini, həmçinin brillyat yaşılının 1%-li məhlulu və ya spirtdə tanının 5%-li məhlulu ilə də işləyib təmizləmək olar.