Mühazirə mətnləri Bakı ­- 2015

«Qаrа bazar» - Əmtəə satıcıları və alıcıları arasında qanunvericiliyin ziddinə olan iqtisadi münasibətlər; kölgə iqtisadiyyatının atributlarından biri.

Qarant – Müəyyən öhdəliyin yerinə yetirilməsinə təminat vermək.

Qarışıq iqtisadiyyat - Bazar və inzibatı-amirlik iqtisadi sisteminin ünsürlərini özündə birləşdirən cəmiyyət.

Qapalı (konvertləşməyən) valyuta – yalnız bir ölkə daxilində işlədilən valyuta.

Qapalı iqtisadiyyat - Əmtəə və xidmətlər ixrac etməyən ölkənin iqtisadiyyatı.

Qeyri-bazar xərcləri - Şirkətin resurslarından istifadə olunmasının alternativ xərcləri.

Qeyri-elastik təklif - Elastiklik əmsalının təklif vahidindən kiçik olması (E<1).

Qeyri-elastik tələb - Elastiklik əmsalının tələb vahidindən kiçik olması (E<1).

Qənaət rejimi - İstehsal-xidmət dairəsində canlı əməkdən, istehsal vasitələrindən qənaətlə istifadə edilməsi.