Mühazirə mətnləri Bakı ­- 2015

Qız cəmiyyət - Bazar münasibətləri iqtisadi sistemində, baş (ana) şirkətin müəyyən nəzarəti altında fəaliyyət göstərən müəssisə (qurum).

Qiymət - Əmtəə və xidmət vahidi üçün ödənilən pulun məbləği.

Qiymət indeksi - Müəyyən dövr ərzində qiymətin bazis ilinə nisbətən dəyişməsini göstərən parametr.

Qiymət liderliyi - İri şirkətlərin bazar qiymətlərinə təsir etmək, bəzi hallarda isə bu qiymətləri təyin etməsi.

Qiymətin liberallaşdırılması - Bazarda qiymətlərin sərbəst formalaşması.

Qiymətin tarazlığı - Rəqabət bazarında tələb və təklifin həcminin bərabərliyi şəraitində formalaşan qiymət.

Qiymətli kağızlar – sahibinin hər hansı mülkiyyət hüquqlarını ifadə edən və müəyyən gəlir gətirən sənədi (səhm, istiqraz və sair).