Fənn: Tibb bacısının iĢi ġöbə: “Mamalıq iĢi” 2 nömrəli Bakı Baza Tibb Kolleci 4 prosesləri pozur. Tütün bir sıra orqanlara, xüsusilə də tənəffüs, mədə-bağırsaq sisteminə qıcıqlandırıcı
təsir göstərərək bir sıra xəstəliklərin yaranmasına səbəb olur. Insanda sağlam həyat tərzini
formalaşdırmaq, xəstəliklərin qarşısını almaq istiqamətində Beynəlxalq Səhiyyə Təşkilatı müxtəlif
profilaktik və sağlamlaşdırıcı tədbirlər həyata keçirir.
Profilaktika dedikdə baş verə biləcək xəstəliyin müəyyən yollarla qarşısının alınması başa düşülür.
Xəstəliklərin profilaktikası səhiyyə işçilərinin ən əsas vəzifələrindən biridir. Profilaktik iş əsasən
poliklinika işçilərinin vasitəsi ilə həyata keçirilir. Ambulator- poliklinika müəssisələrində profilaktik iş
əsasən aşağıdakı istiqamətlərdə aparılır:dinamik tibbi müşahidə və nəzarət, terapevtik və ixtisaslaşmış
həkimlər tərəfindən aparılan kompleks müayinələr, dispanser müşahidələr, epidemiya əleyhinə tədbirlər,
profilaktik peyvəndlər aparılması. Poliklinikalarda sahə həkimi əsasən insanların sağlamlığına,
xəstəliklərin vaxtında aşkara çıxarılması və qarşısının alınmasına nəzarət edir. Bu, xüsusilə, uşaq
müəssisələrində yaxşı təşkil edilməlidir. Uşaq yaşından asılı olaraq ayda 1 dəfə həkim müayinəsindən
keçirilməlidir, onun qidalanmasına, fiziki inkişaf göstəricilərinə fikir verilməli, yaşa uyğun profilaktik
peyvəndlər edilməlidir. Yoluxucu xəstəliklərin profilaktikası məqsədilə aparılan epidemiya əleyhinə
tədbirlərə xüsusi fikir verilməlidir. Xüsusilə də uşaq müəssisələrində və ictimai iaşə müəssisələrində tez-
tez dezinfeksiya, dezinseksiya və deratizasiya tədbirləri aparılmalıdır. Bəzi həyat üçün təhlükəli olan və
tez yayılan xəstəliklərə qarşı profilaktik peyvəndlər olunmalıdır. Bunun üçün Beynəlxalq Səhiyyə
Təşkilatı tərəfindən xüsusi peyvənd təqvimi tərtib olunmuşdur. Bütün dünyada həmin təqvimə müvafiq
olaraq profilaktik peyvəndlər aparılır:Məsələn:vərəm, poliomielit, göy öskürək, difteriya, tetanus, qızılca
və s. xəstəliklərə qarşı aparılan peyvəndlər nəticəsində bu xəstəliklərin qarşısı alınmış, bəziləri isə
tamamilə ləğv edilmişdir.
Əhali arasında sanitar maarifi təbliğatın da xəstəliklərin profilaktikasında xüsusi rolu var. Bu iş
əsasən əhalinin çox cəmləşdiyi ictimai yerlərdə söhbətlər aparmaq, müxtəlif sanitar vərəqələri yaymaqdan
ibarətdir. Həmçinin məktəblərdə məktəb həkimi və tibb bacısı tərəfindən müxtəlif sanitar maarifi dərsləri
keçirilir.
Mövsümi xəstəliklər, onlardаn qorunma yolları şagirdlərə izah edilir. Tibbi müəsisələrdə xüsusi
təbliğat xarakterli plakatlar, vərəqələr tətbiq olunur. İri müəssisələrdə işçilərin vaxtaşırı həkim
müayinəsindən keçirilməsi də xəstəliklərin profilaktikası və vaxtında aşkar edilməsi istiqamətində çox
əhəmiyyətlidir.