Mundarija kirish ma’ruza matnlari

2. Respublika byudjeti daromadlari g’azna ijrosi to’g’risidagi hisobotning maqsadi va vaziflari.

Respublika byudjeti daromadlari g’azna ijrosi to’g’risidagi hisobotning maqsadi – foydalanuvchilarni respublika byudjeti daromadlarining g’azna ijrosi holati haqida ma’lumotlar bilan ta’minlashdir.

Respublika byudjeti daromadlari g’azna ijrosi to’g’risidagi hisobotning vazifalari:

1. respublika byudjeti daromadlari g’azna ijrosini amalga oshirish va natijalarini shakllantirish;

   
   

2. respublika byudjeti daromadlari g’azna ijrosi jarayoni muomalalarini hujjatlashtirish yordamida ro’yhatga olish;

   
   

3. respublika byudjeti daromadlari g’azna ijrosi jarayonida buxgalteriya hisobvaraqlarda byudjet mablag’larini holati va harakatini aks ettirish;

   
   

4. Respublika byudjeti daromadlari g’azna ijrosiga oid buxgalteriya hisobi ma’lumotlarini umumlashtirish va hisobotlarni tuzishdan iboratdir.

   
   

3. Respublika byudjeti daromadlarining kassa ijrosi hisoboti.
Shaxsiy g’azna hisobvaraqlari quyidagi turlar bo’yicha ochiladi:

1. byudjet tizimi byudjetlarining darajalari bo’yicha shaxsiy g’azna hisobvaraqlari;

   
   

2. Davlat byudjetining va davlat maqsadli jamg’armalarining daromadlari bo’yicha shaxsiy g’azna hisobvaraqlari;

   
   

3. byudjet tashkilotlari va byudjet mablag’lari oluvchilarning shaxsiy g’azna hisobvaraqlari.

   
   

4. Shaxsiy g’azna hisobvaraqlarini yuritish tartibi O’zbekiston Respublikasi Moliya vazirligi tomonidan belgilanadi.

   
   

Davlat byudjetining daromadlari bo’yicha shaxsiy g’azna hisobvaraqlari O’zbekiston Respublikasi Moliya vazirligi tomonidan ochiladi.

Respublika byudjeti daromad qismining ijrosi:

1. tushumlarni Yagona g’azna hisobvarag’iga va boshqa bank hisobvaraqlariga kiritishni;

   
   

2. tushumlarni byudjet tizimining byudjetlari o’rtasida taqsimlashni;

   
   

3. ortiqcha yoki noto’g’ri to’langan tushum summalarini qaytarishni yoxud ularni qarzni to’lash evaziga hisobga olishni;

   
   

4. hisob va hisobotni nazarda tutadi.

   
   

Respublika byudjetiga daromadlarni yig’ishga vakolatli bo’lgan organlar va tashkilotlar, davlat soliq xizmati organlari va bojxona organlari bundan mustasno, daromadlarning to’g’ri hisoblab chiqilishi, to’liq va o’z vaqtida to’lanishi ustidan nazoratni amalga oshirishi, shuningdek, agar qonun hujjatlarida boshqacha qoida nazarda tutilmagan bo’lsa, davlat soliq xizmati organiga hisobot taqdim etishi shart.

Tartibga soluvchi daromadlardan tushgan tushumlar byudjet tizimi byudjetlari o’rtasida taqsimlanadi.

Byudjet tizimi byudjetlari o’rtasidagi tartibga soluvchi daromadlardan ajratmalarning normativlari O’zbekiston Respublikasi Prezidenti yoki u vakolat bergan organ tomonidan belgilanadi.

Tartibga soluvchi daromadlardan Qoraqalpog’iston Respublikasining respublika byudjetiga, viloyatlarning viloyat byudjetlariga, Toshkent shahrining shahar byudjetiga hamda tumanlar va shaharlar byudjetlariga ajratmalarning normativlari tegishincha Qoraqalpog’iston Respublikasi Vazirlar Kengashi, viloyatlar va Toshkent shahar hokimlari tomonidan tasdiqlanadi.

Tartibga soluvchi daromadlarni byudjet tizimining byudjetlari o’rtasida taqsimlash O’zbekiston Respublikasi Moliya vazirligi tomonidan amalga oshiriladi.

Byudjet kodeksining 51-moddasida ko’rsatilgan qaysi daromadlar bo’yicha tartibga soluvchi daromadlardan ajratmalarning normativlari belgilanmagan bo’lsa, o’sha daromadlar O’zbekiston Respublikasining respublika byudjetiga to’liq hajmda kiritilishi lozim, Byudjet kodeksining 52-moddasida nazarda tutilgan hollar bundan mustasno.