Manba: Pop tumani statistika bo‘limi.
2021- yilning yanvar-dekabr oylarida kichik biznes subyektlari tomonidan ishlab chiqarilgan sanoat mahsulotlari hajmi 273,6 mlrd. so‘m bo‘lib, uning jami sanoat ishlab chiqarishdagi ulushi 60,8 % ni tashkil etdi. Shuningdek, ushbu davrda kichik biznes subyektlari tomonidan 256,4 mlrd. so‘mlik xalq iste’mol tovarlari ishlab chiqarilgan bo‘lib, kichik biznes subyektlarining xalq iste’mol tovarlarini ishlab chiqarishdagi ulushi 83,2 % ni tashkil etgan.
2021- yil yanvar-dekabr oylarida tuman bo‘yicha aholi jon boshiga sanoat mahsulotlari ishlab chiqarish hajmi 2 002,3 ming so‘mni va xalq iste’moli tovarlarini ishlab chiqarish hajmi 1 371,2 ming so‘mni tashkil etgan. Aholi jon boshiga ishlab chiqarilgan sanoat mahsulotlari hajmining o‘sish sur’ati o‘tgan yilning mos davriga nisbatan 103,2 % ni, shuningdek, aholi jon boshiga to‘g‘ri keladigan xalq iste’moli tovarlarining o‘sish sur’ati 97,1 % ni tashkil etgan. Tumanning tashqi iqtisodiy faoliyati, xususan tashqi savdo sohasida amalga oshirilayotgan isloxotlarning pirovard natijasi aholi turmush darajasiga bevosita o‘z ta’sirini o‘tkazadi.