Tədqiqatın məqsədi. Dissertasiya işində tədqiqatın əsas məqsədi
beynəlxalq maliyyə qurumları ilə dünya dövlətlərinin əlaqələri, sözügedən
bankların dünya ölkələrində həyata keçirdiyi layihələr və onların iqtisadi
təsirlərini ələ almaq, beynəlxalq maliyyə qurumlarının müasir beynəlxalq
münasibətlər sistemində rolunu və dünya ölkələrinin sosial-iqtisadi siyasətinə
təsirini dəyərləndirmək və onun inkişaf perspektivlərini müəyyən etməkdir.
Beynəlxalq korporasiyalar bir tərəfdən beynəlxalq münasibətlər sisteminin
məhsulu sayılır, digər tərəfdən isə özləri onlara təsiretmə mexanizmini təmsil
edirlər. Bunu nəzərə alaraq, dissertasiya işimdə həmin dəqiq hərəkət imkanlarını
onların fəaliyyətlərinin uğurla funksionallaşması şəraitində öyrənməyə
çalışmışam.
