Mündəricat Table of Contents Рedaqoji elm və pedaqoji proses; onların qarşılıqlı əlaqəsi 4

Təhsil sahəsində dövlət siyasətinin prinsipləri

Azərbaycanda təhsil sistemi dövlət siyasətinin aşağıdakı prinsipləri əsasında fəaliyyət göstərir:

Bütün vətəndaşların dövlət standartı çərçivəsində təhsil almaq imkanına malik olması. Azərbaycan Respublikasında hər bir vətəndaşın təhsil almaq hüququ var. Təhsil almaq sahəsində heç bir məhdudiyyət qoyulmur. Yeganə şərt budur ki, vətəndaşın almaq istədiyi təhsil dövlət standartına uyğun olsun.

Bilik və bacarıqlar qazanmaq üçün və istedadı reallaşdırmaq üçün vətəndaşlara bərabər şəraitin yaradılması. Təhsil alan şəxslər tədris müəssisəsinin kitabxanasından, laboratoriyala- rından, emalatxanasından, avadanlığından istifadə edə bilirlər. Onlar məktəbdənkənar təlim-tərbiyə ocaqlarının: kütləvi kitabxanaların, idman meydançalarının, mədəniyyət saraylarının, klubların, muzeylərin və s.-in imkanlarından da eyni dərəcədə sərbəst bəhrələnə, bilik və bacarıqlarını inkişaf etdirə bilirlər.