Milli pedaqogika şəxsiyyətin formalaşmasında pedaqoji prosesin rolu
Pedaqoji proses, yəni təlim, tərbiyə və təhsil vasitəsilə istənilən nəticəni almaq mümkündürmü? Suala. birmənalı cavab vermək olmaz! Pedaqoji proses hər şeyə deyil, çox şeyə qadir ola bilər. Çünki, pedaqoji işdə müvəffəqiyyət bir sıra amillərlə şərtlənir. Bu şərtlər arasında irsiyyət və mühit amilləri, şəxsi zəhmət, habelə tərbiyəçi şəxsiyyəti də vardır. Uşaq normal irsi əlamətlərə malikdirsə, onu əhatə edən mühit tərbiyə vəzifələrinə uyğun gəlirsə və tərbiyəçinin yüksək pedaqoji hazırlığı varsa pedaqoji prosesdən çox şey gözləmək olar. Bu amillərdən hər hansı biri olmadıqda pedaqoji işdən istənilən nəticəni almaq çətinləşir.
İnsan şəxsiyyətinin formalaşmasında pedaqoji işin, o cümlədən tərbiyənin rolu nədir? Milli pedaqogikaya görə, pedaqoji işin rolu müvafiq mühitdə xarakter xüsusiyyətlərinin adamda formalaşmasına istiqamət verməkdən, cəmiyyət üçün zərərli xüsusiyyətlərin isə aradan qaldırılmasına yardım etməkdən ibarətdir.
Pedaqoji proses uzunmuddətli prosessdir, o hər hansı xarakter xüsusiyyətinin duyulmasından, əhəmiyyətinin başa düşülməsindən və onu vərdişə çevirməkdən ibarətdir.Pedaqoji təsir şəxsin özünütərbiyəsi ilə başa çatmış hesab edilir
Tibb elminin son nəticələrinə əsaslanaraq milli pedaqogika belə nəticəyə gəlir ki, uşağın tərbiyəsinə ana bətnində olarkən başlamaq lazımdır. Çünki, hamilə qadının nə yediyi, nə içdiyi, hansı mənəvi-psixoloji mühitdə gün keçirdiyi körpənin fiziki və fizioloji inkişafına güclü təsir göstərir.
Dostları ilə paylaş: |
