Müəlliminmühazirəməşğələsininmüşahidəsivəmüzakirəsi.Magistraturaya qəbul olunmuş tələbə bakalavr pilləsində oxuyanda da, magistraturada da müxtəlif fənlərdən mühazirələri dinləmişdir. Orada əsas məqsəd həmin mühazirələrdə deyilənləri başa düşüb yadda saxlamaqdan ibarət olmuşdur. Lakin pedaqoji təcrübə zamanı magistrantların ixtisas fənləri üzrə mühazirələri dinləməkdən, müşahidə etməkdən başlıca məqsəd görüb götürməkdir, mühazirəni necə başlamaq, necə davam etdirmək, necə yekunlaşdırmaq təcrübəsini öyrənməkdir.
Mühazirəyə qədər onu müşahidə etməyin təşkilindən çox şey asılıdır. Pedaqoji təcrübənin rəhbəri mühazirəni müşahidə edərkən nələrə xüsusi diqqət yetirməsini və qeydə almasını magistranta izah edir; belə olduqda tələbənin müşahidəsi pərakəndə deyil, planlı səciyyə daşıyır.
Mühazirənin müşahidəsindən sonra onun müzakirəsi keçirilir. Müşahidə aparan magistrantların qeydləri dinlənilir. Pedaqoji təcrübənin rəhbəri müzakirəyə yekun vurur: müşahidənin uğurlu və uğursuz cəhətlərini göstərir.
